QR QK ÁTK zymyran-artıllerııalyq korablderiniń ekıpajdary oqý-jattyǵý ótkizýde

ASTANA. QazAqparat - Oqý jyly bastalysymen Kaspıı teńiziniń qazaqstandyq sektorynda tıisti tapsyrmalardy oryndaýda árbir korabldi daıyndaý baǵdarlamasynyń quramdy bóligi bolyp tabylatyn kýrstyq tapsyrmalardy tapsyrý úderisi júrip jatyr.

QR QM baspasóz qyzmetiniń habarlaýynsha, ótken jyl boıynsha barlyq ekıpajdar bazada korabldiń turaqtaýy kezindegi jaýyngerlik jáne kúndelikti uıymdastyrylý elementterin sátti pysyqtady. Qazirgi ýaqytta «Qazaqstan» zymyran-artıllerııalyq korabliniń ekıpajy K-2 kýrstyq tapsyrmanyń elementterin pysyqtaýda. Bul degenimiz - korabldiń júzýi jáne jeke dara korablmen jaýyngerlik is-qımyldardy júrgizý.

Búginde «Qazaqstan» korabli josparǵa sáıkes 3 shaqyrymǵa deıingi qashyqtyqqa artıllerııalyq oq atýlardy ótkizýge daıyn. Shartty qarsylasty bul maqsattar úshin arnaıy arnalǵan súıretiletin nysana qalqany elestetedi. Sonymen qatar aldaǵy kúnder ishinde aýa raıy jaǵdaıyna qaraı Qazaqstan Respýblıkasy Qarýly Kúshteri Áskerı-teńiz kúshteriniń ózge de korablderi K-2 tapsyrmasyn oryndaı otyryp, elestetilgen áýe jáne sýústi nysana boıynsha zenıttik zymyrandarmen oq atýdy júzege asyrady.

Qazirgi tańda Kaspıı teńiziniń qazaqstandyq sektorynda jaýyngerlik kezekshilik atqaryp júrgen «Saryarqa» korabli de qatarlasyp jattyǵýlardy pysyqtaýda.

Zymyran-artıllerııalyq korablde kýrstyq tapsyrmalardyń qazirgi kezdegi pysyqtalýy men tapsyrylýy sapasyn Qazaqstan Respýblıkasy Qarýly Kúshteri Áskerı-teńiz kúshteri bas qolbasshysynyń orynbasary 1-dárejeli kapıtan Sáken Bekjanov tekserdi.