QR QK áskerıleri naýqas adamdar úshin shamamen 50 lıtr qan tapsyrdy (FOTO)

ASTANA. QazAqparat - QR Qarýly Kúshteriniń «Astana» aımaqtyq qolbasshylyǵynyń júzden astam áskeri «Ómir syıla» qaıyrymdylyq aktsııasy aıasynda naýqas adamdar úshin 50 lıtrge jýyq qan tapsyrdy.

QR Qorǵanys mınıstrliginen habarlaǵandaı, sharaǵa óz erkimen «Astana» aımaqtyq qolbasshylyǵynyń 46298 jáne 85510 áskerı bólimderiniń áskerıleri qatysty. Atap ótý kerek, mundaı sharalar áskerılerdiń densaýlyǵyna da oń áserin tıgizedi - qan aınalymy jaqsarady.

Áskerıler mundaı aktsııalarǵa jyl saıyn qatysady. Tapsyrylǵan qan qan quıý ortalyǵynda saqtalady.

Eske sala keteıik, mundaı sharalar QR Qarýly Kúshterinde únemi ótip turady. QR QK áskerıleri Qazaqstandaǵy donorlyqtyń damýyna ózderiniń belsendi úlesterin qosa otyryp, donor qanyna muqtaj adamdarǵa qoldaý kórsetýde.