QR QK Áskerı-tarıhı mýzeıi qundy eskponatpen tolyqty

NUR-SULTAN. QazAqparat - Búgin Nur-Sultan qalasynda QR QK Ulttyq áskerı-patrıottyq ortalyǵynyń Áskerı-tarıhı mýzeıine Sankt-Peterbýrg qalasynyń Pıskarev eskertkish zıratynan ákelingen qasıetti topyraq salynǵan kapsýla saltanatty túrde tapsyryldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Atalǵan kapsýlany búkil joralǵysyn jasaı otyryp, «Eskertkish aýmaǵy» izdeý jasaǵynyń ókili, Sankt-Peterbýrg jýrnalıster odaǵynyń jáne Reseı Federatsııasy Kınematograftar odaǵynyń múshesi Sherhan Ábilov saltanatty rásimmen tapsyrdy. Budan buryn Qazaqstan Respýblıkasy Qorǵanys mınıstrligine atalǵan izdeý jasaǵynyń komandıri Maıdan Qusaıynov is-sharany ótkizýge qoldaý kórsetý týraly ótinish bildirip, qorǵanys vedomstvasynyń qoldaýyna ıe boldy.

Budan basqa, mýzeıge «Vechnyı Vash podvıg v serdtsah grıadýşıh pokolenıı» dep atalatyn ústel medali, lentalar, nemis jáne orys tilderindegi nasıhattaý qaǵazdary, sondaı-aq derekti fılmder men Pıskarev eskertkish kesheni týraly qosymsha aqparattyq materıaldar berilgen bolatyn.

Ekinshi dúnıejúzilik soǵysynyń tarıhynda Pıskarev eskertkishiniń mańyzy zor. Bul zıratta Lenıngrad maıdanynda qaza bolǵan 420 myń beıbit halyq, sondaı-aq shaıqasta mert bolǵan 70 myń sarbaz ben ofıtser jerlengen. Uly Otan soǵysynda Lenıngrad maıdanyna qazaqstandyqtar da qatysqan. Pıskarev zıratyndaǵy baýyrlastar qorǵanynda bizdiń de otandastarymyz da jerlengen bolýy múmkin.