QR QK áskerı qyzmetshileriniń quramasy arnaıy maqsattaǵy toptar arasyndaǵy «Warrior-2015» jarysyna qatysady (FOTO)
Jarysqa qazaqstandyq áskerı qyzmetshiler de qatysady.
Budan ózge ol jerge Qytaıdan «Shabýldaýshy aq tuıǵyn», Kolýmbııalyq «Kommandos», Iordanııalyq polıtsııanyń arnaıy operatsııalar áıelder batalony, Lıvandyq «Qara pantera», AQSh «Teńiz mysyqtary» jáne basqa da arnaıy bólimsheler keldi. Avıatsııamen birge tutqyndardy bosatý boıynsha jasalǵan shabýyl elementteri, áserli parad - atalǵan is-qımyl qatysýshylardyń barlyǵyna tanys, úırenshikti jaıt. Tórt kún boıy barlyǵy 19 el men 43 komanda jaýyngerlerinen arnaıy maqsattaǵy toptary arasyndaǵy barlyq is-qımyl boıynsha eń myqtysy anyqtalatyn bolady. Ótkiziletin jarystyń 10 kezeńiniń 9-y komandalyq quramda baǵalanady. Saltanatty ashylý rásiminen keıingi birinshi kezeń ǵana jeke birinshilik bolyp sanalady. Bul jerde ár toptan bir arnaıy maqsattaǵy bólimshe jaýyngeri tapanshadan, avtomatty vıntovkadan jáne pompalyq qarýdan jyldam atýdan kúsh synasady. Jeńimpaz KASOTC nusqasy boıynsha «Jyl mergeni» ataǵyna laıyq dep tanylatyn bolady. Qazaqstandyq jaýyngerlerge saıys kezeńderi olarǵa ótken jyly jarystan beri belgili. «Biz barlyq kezeńge jete daıyndaldyq. Bıyl birqatar jańa jattyǵýlar qosyldy. Biz jigittermen birlesip «úzdik» saıysýǵa bar kúshimizdi salamyz. Jeńis kúnine barsha qazaqstandyqtarǵa tamasha syı jasaǵymyz keledi»,- dedi bizdiń komanda. Esterińizge sala ketsek, osyndaı jarystarǵa qazaqstandyq áskerı qyzmetshiler tórtinshi ret qatysýda. Sonymen qatar Iordanııalyq polıtsııanyń arnaıy operatsııalar áıelder batalony tobynyń qatysýy bıylǵy jarysty ótken jarystan erekshelendirip otyrǵanyn aıta ketken jón. Tóreshilerdiń aıtýynsha áıelder batalony basqa toptarmen teń dárejede saıysatyn bolady. «Bul - arnaıy maqsattaǵy toptardyń jarysy. Munda eshqandaı jeńildikterdiń bolýy múmkin emes», - dep atap ótti tóreshilerdiń biri. Esterińizge sala keteıik, jarystyń aqtyq syny 23 sáýirde ótedi.