QR QK áskerı hımıkteri 5 eldiń arnaıy maqsattaǵy bólimshelerimen birlesip, arnaıy operatsııalardy oryndamaq (FOTO)
Bul týraly QR Qorǵanys mınıstrliginiń baspasóz qyzmeti habarlady. RHBQ bólimshelerine UQShU elderiniń ujymdyq kúshteriniń oqý-jattyǵýyna birinshi bolyp qatysý mańyzdy mindeti buıyrdy. Bizdiń áskerı hımıkter alda RHB barlaý boıynsha tapsyrmalardy oryndaıdy, jaýyngerlik is-qımyl aýdandary men ınternatsıonal áskerı kontıgentteriniń arnaıy pysyqtaıtyn jaı-kúıin baǵdarlaıdy. Osy oraıda 20 birlik zamanaýı qarý-jaraq jáne RHB qorǵanys zattary bólindi.
Atap aıtsaq, RAST-1kz jáne RAG-2kz eseptik-taldaý keshenderi, ARS-14kz gazsyzdandyrylǵan kólikteri, sanıtarlyq óńdeý keshenderi, radıatsııalyq jáne hımııalyq qurylǵylar. Qazirgi kezde Qapshaǵaıdan barlyq arnaıy tehnıkany oqý-jattyǵý ornyna jóneltti.
Esterińizge sala ketsek, «Ózara is-qımyl-2015» tamyzdyń 24-28 aralyǵynda úsh kezeń boıynsha ótedi. Bastapqy kezeńde Qazaqstan, Reseı, Armenııa, Belarýs, Qyrǵyzstan jáne Tájikstannyń arnaıy maqsattaǵy bólimsheleri joǵarǵy jaýyngerlik daıarlyqqa keltirilip, UQShU memleketteriniń biriniń aýmaǵynan kelesi shoǵyrlaný aýdanyna jiberiletin bolady. Olar shartty qarýly qaqtyǵysty shektep, qylmystyq toptardy joıyp, jaýapkershilik aýmaǵyndaǵy «basyp alynǵan» strategııalyq nysandardy kúzetke alady.
Ótken jyly bul oqý-jattyǵý Qazaqstannyń Qaraǵandy oblysy «Spassk» polıgonynda ótken bolatyn. Jalpy oqý-jattyǵýǵa qatysqan aldy eldiń áskerı kontıgentteri, jedel toptary jáne arnaıy maqsattaǵy kúshtik quralymdarynyń sany 3000-ge jýyq adamdy qurady.