QR QK áskerı bólimderinde jazǵy oqý kezeńi qarsańynda daıyndyq is-sharalary bastaldy
Qazirgi ýaqyttaáskerler men jeke quramnyń jazǵy oqý kezeńine daıyndyǵyn josparly tekserý bastalyp ketti. QR QK áskerı bólimderi men quramalarynda sapaly daıyndyqty uıymdastyrý maqsatynda jazǵy oqý kezeńiniń taktıkalyq-saptyq sabaqtaryn josparlaý, uıymdastyrý jáne olardy ótkizý jónindegi normatıvtik-quqyqtyq aktileri ázirlenýde.
Áskerı bólimderde áskerı qyzmetshilerdi oqytý biliktilik talaptaryn, atqaratyn mindetteriniń erekshelikterin, sharttaryn, atqaratyn laýazymyn eskere otyryp, qaýipsizdik talaptary negizinde jasaldy. Sonymen qatar, qarý-jaraq pen áskerı tehnıkany jazǵy paıdalaný rejımine aýystyrý, dalalyq jaǵdaılarda sabaqtardy ótkizý úshin materıaldyq oqý-jattyǵý bazasyn daıyndaý jóninde josparly jumystar júrgizilýde.
2017 jyldyń Jaýyngerlik daıarlyq josparyna sáıkes Qazaqstannyń Qarýly Kúshterinde maýsym aıynyń 1-9 aralyǵynda Áskerlerdiń jaýyngerlik daıarlyq máseleleri boıynsha taktıkalyq-saptyq sabaqtar ótetinin aıta ketken jón.
