QR QK ÁQK áýe shabýylyna qarsy qorǵanys áskerleri bes zenıttik-zymyrandyq keshenimen tolyqtyryldy (FOTO)

ASTANA. QazAqparat - Qazaqstan Respýblıkasy Qarýly Kúshteri Áýe qorǵanysy kúshteriniń áýe shabýylyna qarsy qorǵanys áskerlerine aqysyz negizde Reseı Federatsııasynyń Qorǵanys mınıstrliginen bes S-300PS qazirgi zamanǵy zenıttik-zymyrandyq keshen kelip tústi.

Bul týraly QR Qorǵanys mınıstrliginiń baspasóz qyzmetinen habarlady.

Keshen Almaty mańyndaǵy «Jetisý» stantsııasyna temirjol kóligimen jetkizildi. «S-300PS zenıttik-zymyrandyq júıeler jaýyngerlik praktıkalyq oq atýlarda synalady jáne Qazaqstan Respýblıkasynyń áýe keńistigin tasalaý boıynsha jaýyngerlik kezekshilikti atqarý úshin Qazaqstan Respýblıkasy Qarýly Kúshteri ÁQK áýe shabýylyna qarsy qorǵanys áskerleriniń baǵynysty áskerı bólimderine jaraqtandyrylýǵa beriletin bolady», - dedi QR QK ÁQK áýe shabýylyna qarsy qorǵanys áskerleriniń qolbasshysy general-maıor Nurjan Muqanov.

S-300PS zenıttik-zymyrandyq kesheni shaǵyn tómen ushatyn nysanalardy joıý úshin arnalǵanyn atap ótken jón. S-300PS zenıttik-zymyrandyq júıelerdi alǵannan keıin áýe shabýylyna qarsy qorǵanys áskerleri Qazaqstan Respýblıkasynyń áýe keńistigin tasalaý boıynsha kúzet pen qorǵanystyń qabilettiligin kúsheıtedi.