QR QK ÁQK áskerı avıatsııasy «Jaýyngerlik dostastyq-2015» oqý-jattyǵýyna qatysýdy bastady
Almasý maqsaty - «Saryshaǵan» áskerı polıgonynda ótkiziletin «Jaýyngerlik dostastyq-2015» TMD áýe shabýylyna qarsy qorǵanys birikken júıesi sheńberinde jaýyngerlik atysy bar birlesken oqý-jattyǵýlarǵa avıatsııanyń qatysýy. Sý-25 jáne MıG-29 ushaqtary óziniń sıpattamalary boıynsha álemdegi úzdik ushaqtar qatarynda tur, al olardy jeke alǵanda balamalary joq. Olardyń atys qýaty, joǵary dál qarýdy qoldaný qabilettiligi barlyq ótkiziletin taktıkalyq oqý-jattyǵýlarda kórsetildi. Oqý-jattyǵý josparyna sáıkes ÁQK Áskerı-áýe kúshteri áskerı bólimderiniń ushý quramy jerústi jáne áýe nysanalary boıynsha joǵary dál qarýdy qoldana otyryp, praktıkalyq oq atýlardy oryndaıdy. Maıdandyq avıatsııa zymyrandarynyń iske qosylýy áýe atystarynyń naqty belgili bir aýdanynda júrgiziletin bolady. Ushqyshtardyń árqaısysyna shartty qarsylastyń nysanasyn aıqyndap, joıý kútip tur. Mańdaısheptik avıatsııa kúndizgi jáne túngi jaǵdaılarda áýe nysanalary boıynsha jumys isteıdi. Jaýyngerlik oq atýlardy ushqyshtar jeke dara jáne jup quramynda oryndaıdy. Áýe nysanalary retinde jarqyraǵysh avıatsııalyq bombalar qoldanylady. Oqý-jattyǵýǵa joǵary bilikti ushqyshtar tartylǵan. Ushýlardy jalpy basshylyqqa alýdy Áýe qorǵanysy kúshteri bas qolabsshysynyń orynbasary polkovnık Turaly Qoıshyqulov júzege asyrady. Qaraǵandy oblysynda «Saryshaǵan» áskerı polıgonynda «Jaýyngerlik dostastyq-2015» TMD áýe shabýylyna qarsy qorǵanys birikken júıesi sheńberinde ótetin jaýyngerlik atysy bar birlesken oqý-jattyǵýlar qyrkúıektiń aıaǵynda aıaqtalatynyn esterińizge sala keteıik.