QR QK Aeroutqyr áskerlerinde eń úzdik boksshylar anyqtaldy

ASTANA. 24 qańtar. QazAqparat - Almatyda Qazaqstan Respýblıkasy Qarýly Kúshteri Aeroutqyr áskerleri quramalary men áskerı bólimderi áskerı qyzmetshileri arasynda bokstan chempıonat ótti. Bul týraly QR Qorǵanys mınıstrliginiń baspasóz qyzmetinen habarlady.

Bylǵary qolǵap sheberleriniń jarysy áskerlerde salaýatty ómir saltyn nasıhattaýǵa baǵyttaldy. Prezıdent Nursultan Nazarbaev «Qazaqstan joly-2050: bir maqsat, bir múdde, bir bolashaq» atty Qazaqstan halqyna Joldaýynda

«Salamatty ómir saltynyń ornyǵýy qazaqstandyqtardyń ómir súrý uzaqtyǵyn arttyrady» dep atap ótti.

Altyn júlde úshin bolǵan tabandy taıtalasta 32363 áskerı bóliminiń sportshylary jeńis toıyn toılady. Qurmetti ekinshi oryndy 18404 áskerı bóliminiń bylǵary qolǵap sheberleri ıelendi. Al 61993 áskerı bóliminiń sportshy jigitteri úshinshi oryndy mise tutty. 32363 áskerı bóliminiń merzimdi qyzmettegi qatardaǵy jaýyngeri Jandos Janpeıis eń úzdik boksshy dep tanyldy.

.