QR kezekten tys prezıdent saılaýynda otandastarymyzdyń daýys berýi úshin Bishkekte saılaý ýchaskesi ashyldy
BІShKEK. QazAqparat - Qyrǵyzstandaǵy Qazaqstan elshiliginiń saıtynda kaz-emb.kg ýaqytsha Qyrǵyzstanda júrgen QR azamattarynyń daýys berýi úshin №214 saılaý ýchaskesi ashylǵany týraly habarlandy.
Habarlamada 26 sáýirde jergilikti ýaqytpen saǵat 7.00-den 20.00-ge deıin Bishkek qalasynyń Mır kóshesi, 95 A meken jaıynda daýys berýge bolatyny jazyldy.
№214 saılaý ýchaskesinde QR Prezıdenttigine úmitkerler týraly tıisti aqparat ornalastyrylǵan. Daýys berýge Qyrǵyzstanda jeke shaqyrtýmen, qyzmettik babymen, iskerlik jáne týrıstik saparmen júrgen QR azamattary QR tólqujaty bolǵan jaǵdaıda qatysa alady. Sondaı-aq, kez-kelgen QR azamaty saılaýshylar tiziminde óziniń aty-jónin anyqtap, bolmaǵan jaǵdaıda ótinish jazyp engize alady. QR elshiliginiń aqparatyna súıensek, Bishkekte konsýldyqtyń esebinde 270 qazaqstandyq bar. Olar daýys berýshilerdiń tizimine engizildi. Qatary aldaǵy ýaqytta artýy múmkin. Qyrǵyzstandaǵy QR Elshiliginiń saılaý máseleleri boıynsha jaýapty tulǵalary: №214 saılaý ýchaskesindegi komıssııa tóraǵasy keńesshi-elshi Ahmetov Erbol Abanuly, baılanys telefony 69-21-02. №214 saılaý ýchaskesindegi komıssııa tóraǵasynyń orynbasary konsýl Ábishev Erlan Tilemisuly, baılanys telefony 69-20-95.
