QR Qaýipsizdik Keńesiniń otyrysynda mınıstr Á Qusaıynov iri kólik jobalaryn iske asyrý nátıjeleri týraly baıandady

ASTANA. 15 naýryz. QazAqparat - Búgin Aqordada ótken QR Qaýipsizdik Keńesiniń kezekti otyrysynda Kólik jáne kommýnıkatsııa mınıstri Ábilǵazy Qusaıynov Memleket basshysyna iri kólik jobalaryn iske asyrý,

Qazaqstannyń kólik tartymdylyǵyn arttyrý jóninde qabyldanǵan sharalar, tasymal qaýipsizdigin qamtamasyz etý nátıjelerin baıandap berdi.

«Mınıstrdiń málimdeýinshe, sońǵy 10 jyl ishinde kólik-kommýnıkatsııa keshenin damytý maqsatynda 1,4 trln. teńge ıgerilgen. Memleket basshysynyń bedeliniń arqasynda, tipti álemdik ekonomıkalyq daǵdarys jaǵdaıynda kólik sektoryna somasy 4,2 mlrd. AQSh dollary kóleminde zaım tartýǵa múmkindik týdy. Hromtaý-Altynsarıno, Aqsý-Degeleń, Shar-Óskemen temirjol ýchaskeleri paıdalanýǵa berildi, respýblıkalyq jáne jergilikti deńgeıdegi avtomobıl joldarynyń 39 myń shaqyrymyna jóndeý jumystary júrgizildi, qalpyna keltirildi jáne jańadan salyndy. Qazirgi ýaqytta kólik-kommýnıkatsııa kesheniniń negizgi kórsetkishteriniń kólik boıynsha jalpy qosymsha qunyn 63 paıyzǵa ulǵaıtýǵa baǵyttalǵan 58 joba iske asyrylýda», - delingen QR Prezıdenti baspasóz qyzmetiniń habarlamasynda.

Baspasóz qyzmetiniń málimetinshe, respýblıkalyq avtomobıl joldarynyń 85 paıyzyn jáne jergilikti jelilerdiń 70 paıyzyn jaqsy jáne qanaǵattanarlyq deńgeıine jetkizý, temir joldar boıynsha júk tasymalynyń jyldamdyǵyn 15-20 paıyzǵa arttyrý, onyń ishinde, halyqaralyq dálizder boıynsha 20-30 paıyzǵa jetkizý josparlanyp otyr.

Azamattyq avıatsıada 7 ushý-qoný alańyn jáne 7 termınaldy qaıta qurylymdaý, aeronavıgatsııalyq júıeni jetildirý mindetteri tur. Ertis ózenindegi keme shlıýzi jańǵyrtylatyn bolady, Aqtaý teńiz aılaǵy keńeıtiledi.

Memleket basshysynyń Qazaqstan halqyna Joldaýyn oryndaý barysynda kólik medıtsınasyn damytý jóninde jumystar uıymdastyrylatyn bolady