QR Qaýipsizdik Keńesiniń ınspektsııasy memlekettik organdardaǵy avıatsııalyq tehnıkalardyń jaı-kúıine tekseris ótkizetin bolady
Baspasóz baıanynda atap ótilgendeı, otyrysta Іshki ister mınıstrligi qylmystyq-atqarý júıesiniń mekemelerinde ınspektsııalyq tekseris júrgizý nátıjeleri tyńdaldy. Jaza alyp jatqan adamdarǵa tıisti rejımdi qamtamasyz etýge baılanysty máselelerdi sheshý qajettiligine erekshe nazar aýdaryldy.
Sonymen qatar memlekettik organdardyń Qaýipsizdik Keńesi ınspektsııasynyń 2013 jylǵa arnalǵan jumys josparynyń jobasyna berilgen usynystary talqylandy. Qaýipsizdik Keńesi hatshylyǵy usynǵan jalpy tásilder maquldandy.
Qýat qurylymdarynyń ulttyq qaýipsizdik turǵysynan asa mańyzdy bólimshelerine ınspektsııa jasaýdyń oryndylyǵy atalyp ótildi. Elde bolǵan sońǵy oqıǵalardy eskere otyryp memlekettik organdardaǵy avıatsııalyq tehnıkalardyń jaı-kúıine ınspektsııalyq tekseris ótkiziletin bolady.
Otyrys nátıjesinde tıisti tapsyrmalar berildi.