QR Qaýipsizdik keńesiniń hatshysy halyqaralyq jıynǵa qatysty
ASTANA. QazAqparat - QR Prezıdentiniń kómekshisi - Qaýipsizdik keńesiniń hatshysy Vladımır Jumaqanov qaýipsizdik máselelerine jetekshilik etetin joǵary ókilderdiń VIII halyqaralyq kezdesýine qatysty, dep habarlaıdy «QazAqparat» HAA.
Reseı Federatsııasy Qaýipsizdik keńesi uıymdastyrǵan sharaǵa álemniń 90-nan asa elinen kelgen delegatsııa qatysty. Jıynda halyqaralyq aqparattyq qaýipsizdikti qamtamasyz etý salasyndaǵy yntymaqtastyq máselesi negizgi taqyryptardyń biri boldy.
Jıynda sóz alǵan V. Jumaqanov táýekelder, syn-qaterler jáne aqparattyq saladaǵy qaýipterge qarsy turatyn álemdik qoǵamdastyqtyń jan-jaqty jáne úılestirilgen kúshteriniń mańyzdylyǵyn atap ótti.
Qaýipsizdik keńesiniń hatshysy shara aıasynda basqa memleketterden kelgen áriptesterimen ekijaqty kezdesýler ótkizdi.
