QR Qaýipsizdik Keńesinde bıologııalyq qaýipsizdik jáne jastar arasyndaǵy qylmystardyń aldyn alý máseleleri talqylandy

ASTANA. 8 qarasha. QazAqparat - Búgin «Aqorda» prezıdentsııasynda QR Prezıdentiniń kómekshisi - Qaýipsizdik keńesiniń hatshysy Marat Tájınniń tóraǵalyǵymen Qaýipsizdik Keńesiniń ulttyq qaýipsizdik strategııasy máseleleri jónindegi vedomstvoaralyq komıssııanyń kezekti otyrysy ótkizildi.

Otyrys barysynda óndiris pen ǵylym obektilerin qosa alǵanda bıologııalyq qaýipsizdik, sondaı-aq jastar arasyndaǵy qylmystyń aldyn alý máseleleri qarastyryldy.

Birinshi másele boıynsha Bilim jáne ǵylym mınıstri Baqytjan Jumaǵulovtyń baıandamasy tyńdalyp, onda Bıologııalyq qaýipsizdik máseleleri jónindegi komıssııanyń qyzmeti jaıynda aıtyldy.

Ártúrli epıdemııa men vırýstarǵa qarsy kúres, qaýipti ınfektsııalar men vırýstardyń taralýyna qarsy áreket etý, osy saladaǵy ǵylymı ázirlemeler, sondaı-aq bıologııalyq materıaldardyń aınalymyna qatysty obektilerde  qaýipsizdikti qamtamasyz etý máseleleri talqylandy.

Ekinshi másele jóninde sóz sóılegen Іshki ister mınıstri Qalmuhanbet Qasymov vedomstvoaralyq komıssııa múshelerin jasóspirimder men jastar arasyndaǵy qylmystylyqtyń jaı-kúıi jáne iske asyrylypr jatqan  sharalar týraly baıandady.

Taldaý barysynda quqyq qorǵaý organdarynyń qyzmetin jetildirý, olardyń jergilikti atqarý organdary men qoǵamdyq birlestiktermen ózara is-qımyl jasaýy, kásibı bilimniń qol jetimdiligin keńeıtý jáne jastardy eńbekpen qamtýdy qamtamasyz etý jóninde qosymsha sharalar qabyldaý kerektigi aıtyldy.

Otyrys qorytyndysymen  memlekettik organdarǵa tıisti salalarda kúndelikti jáne perspektıvalyq mindetterdi sheshýge baǵyttalǵan tapsyrmalar berildi.