QR Qaýipsizdik keńesi janyndaǵy saraptamalyq keińestiń otyrysynda Ortalyq Azııanyń aımaqtyq qaýipsizdigi máseleleri talqylandy
ASTANA. 21 sáýir. QazAqparat. Almaty qalasynda Qazaqstan Respýblıkasy Qaýipsizdik Keńesi janyndaǵy saraptamalyq keńestiń otyrysy bolyp ótti.
Kún tártibinde Ortalyq Azııanyń aımaqtyq qaýipsizdigi máseleleri talqylandy, dep habarlady QK hatshylyǵynyń baspasóz qyzmeti.
Prezıdent Kómekshisi - Qazaqstan Respýblıkasy Qaýipsizdik Keńesiniń hatshysy Marat Tájın aımaqtyq qaýipsizdikke keri áser etetin transshekaralyq sıpattaǵy lańkestik, dinı ekstremızm, zańsyz kóshi-qon, esirtki aınalymy sııaqty qaýipter men qaterlerdi atap ótti.
Sarapshylardyń pikirinshe, Ortalyq Azııada Qazaqstan Respýblıkasynyń ulttyq múddelerin júzege asyrýdyń mańyzdy aspektileri aımaq qaýipsizdiginiń qaýip-qaterlerine qarsy áreket etý boıynsha tıimdi sharalardy qurý, saýda-ekonomıkalyq yntymaqtastyqty kúsheıtý, sonymen qatar qorshaǵan ortany qorǵaý jáne aımaqtaǵy sý máselesin sheshýge nazardy kúsheıtý bolyp otyr.
Talqylaý barysynda qarastyrylyp jatqan suraqtar boıynsha Saraptamalyq keńes Qazaqstan Respýblıkasy Qaýipsizdik Keńesiniń jáne QR QK Mekemearalyq komıssııasynyń jumystarynda paıdalanýǵa bolatyn naqty usynystar berdi.
