QR Qaýipsizdik keńesi janyndaǵy Saraptama keńesiniń otyrysynda sý qaýipsizdigi men azyq-túlikpen qamtamasyz etýdiń ózekti máseleleri qaraldy
ASTANA. 18 qazan. QazAqparat - 2011 jylǵy 18 qazanda Qazaqstan Respýblıkasy Qaýipsizdik Keńesi janyndaǵy Saraptama keńesiniń otyrysy ótkizildi, dep habarlady QR Prezıdentiniń baspasóz qyzmeti.
Kún tártibinde Qazaqstandaǵy sý qaýipsizdigi men azyq-túlikpen qamtamasyz etýdiń ózekti máseleleri qarastyryldy. Talqylaý barysynda QR Prezıdentiniń kómekshisi - Qaýipsizdik Keńesi Hatshylyǵynyń hatshysy Marat Tájın ǵalamdyq tendentsııalar men Qazaqstan ekonomıkasynyń qarqyndy túrde damýy azyq-túlik pen sý resýrstaryn basqarýda memlekettik saıasatty jetildirýdi qajet etetindigin atap ótti.
Sarapshylardyń pikirinshe, Qazaqstan Respýblıkasyndaǵy azyq- túlik qaýipsizdigin qamtamasyz etýde mańyzdy shara aýyl sharýashylyǵy ónimderin jáne azyq-túlik naryǵyn damytý bolyp tabylady. Otyrys barysynda ulttyq deńgeıde sý qaýipsizdigin qamtamasyz etý máselesi aımaqtaǵy jaǵdaıdy eskere otyryp, tereń sarapqa salyndy.
Otyrystyń qorytyndysy boıynsha Saraptama keńesi Qazaqstan Respýblıkasy Qaýipsizdik Keńesi jáne onyń vedomstvoaralyq komıssııa jumysynda qoldaný úshin naqty usynystar berdi.
