QR Qaýipsizdik Keńesi UQKU Hatshylyǵymen birlese otyryp, «dóńgelek ústel» otyrysyn ótkizdi
ASTANA. 4 qarasha. QazAqparat. Qazaqstan Respýblıkasynyń Qaýipsizdik Keńesi UQKU Hatshylyǵymen birlese otyryp, 2011 jyldyń 4 qarashasynda «Orta Azııa aımaǵynda qazirgi zaman qaýip-qaterlerine qarsy is-áreketteriniń mańyzdy máseleleri turǵysynan ujymdyq qaýipsizdik júıesiniń damý baǵyttary» taqyrybynda «dóńgelek ústel» otyrysyn ótkizdi,
dep habarlaıdy QR Qaýipsizdik Keńesi baspasóz qyzmeti.
Prezıdenttiń kómekshisi - Qazaqstan Respýblıkasy Qaýipsizdik Keńesiniń hatshysy M. Tájın óziniń sózinde qazirgi tańdaǵy Ortalyq Azııanyń ishki jáne syrtqy qaterlerdiń ózgeristerin esepke ala otyryp, UQKU qyzmetiniń kontseptýaldy joldaryn jáne basym baǵyttaryn atap ótti.
UQKU Bas hatshysy N. Bordıýja aımaqtyq qaýipsizdik jáne jańa qaýip-qaterlerge qajetti qarsy áreket etý sharalarynyń ózekti máselelerine toqtaldy.
«Dóńgelek ústel» otyrysy jumysyna Qyrǵyzstan, Tájikstan elderinen mamandar, ǵylymı memlekettik, qoǵamdyq ınstıtýttar jáne Qazaqstannyń táýelsiz saraptama ortylyqtarynyń ókilderi qatysty.
Ótken pikirtalas barysynda Orta Azııadaǵy ujymdyq qaýipsizdiktiń áserli júıesiniń qalyptasýyna UQKU múshe elderdiń yńǵaıy men aımaqtaǵy ahýaldyń damýyna saraptyq baǵalar berildi.
Dál osy kúnde Prezıdenttiń kómekshisi - Qazaqstan Respýblıkasynyń Qaýipsizdik Keńesi hatshysy Tájın Marat Ujymdyq Qaýipsizdik jónindegi Kelisim uıymynyń Bas hatshysy N.N.Bordıýjamen kezdesý ótkizdi.
Pikir almasýshylar Qazaqstannyń UQKU men strategııalyq árekettestiginiń alǵa baǵyttalǵan sıpatyn, álemniń jalpy qaýip-qaterge qarsy áreket etý salasyndaǵy halyqaralyq uıymdarmen qarym-qatynastyrdyń damýyn atap ótti.
Atalǵan kezdesý osy jylda josparlanǵan UQKU Sammıtine daıyndyq aıasynda ótti.
