QR Kásipodaqtar federatsııasynyń tóraǵasy ken oryndy aralady

Onda óndiristik tolyq tsıkl úderisi, áleýmettik áriptestiktiń damýy, ujymdyq sharttyń oryndalýy barysymen tanysyp, jumysberýshi jáne kásiporyn jumyskerilermen sóılesti.

«Embimunaıgaz» AQ-nyń quramyna kiretin «Jaıyqmunaıgaz» MGÓB-tiń S.Balǵymbaev ken ornynyń tańdalýy kezdeısoq emes. Aktsıonerlik qoǵamda bıyl jyl basynda 2022-2026 jylǵa arnalǵan jańa ujymdyq shart qabyldanǵan edi. «Jaıyqmunaıgaz» MGÓB-tiń bastyǵy Amangeldi Súleımenov ujymdyq sharttyń maqsaty jumysberýshi men jumyskerler arasynda kelisilgen áleýmettik kepildikter arqyly árbir jumyskerdiń áleýmettik jaǵdaıyn jaqsartý ekendigin atap ótti.

«Kásipodaq múshelerimen jańa ujymdyq shart jobasyn talqylaı otyryp biz áleýmettik áriptestik aıasynda taraptardyń múddeleriniń ózara teńdigine jetý sekildi tustaryna mán berdik», - dedi MGÓB-tiń bastyǵy.

Jumysberýshi men jumyskerlerdiń múddeleriniń teńdigi qalaı saqtalyp jatqany týraly aktsıonerlik qoǵamnyń kásipodaq komıteti tóraǵasy Bolat Nysanbaev tolyǵyraq aıtyp berdi.

«Ujymdyq shart jasaý jóninde aıtylǵanda monetızatsııa sekilid túsinikti umytpaý kerek. ıAǵnı, bul bir paıyz mólsherinde aı saıyn kásipodaq jarnasyn tóleıtin jumyskerge beriletin ujymdyq shartta belgilengen kepildikterdiń jıyntyq somasy. Biz eseptep shyǵyp naqty somany anyqtadyq. Jyl saıynǵy monetızatsııa somasy bizdiń bir jumyskerge 1,6 mln teńgeden keledi», - dedi kásipodaq komııtetiniń jetekshisi.

Ortasha aılyq jalaqy 400 myń teńge bolǵanda kásipodaq músheleri - ken ornyndaǵy jumyskerler kásipodaq qoryna jyl saıyn 48 myń teńge aýdarady, al somadan 33 ese kóp áleýmettik kepildikterdi alady.

Osyǵan kóz jetkizý úshin QR KF tóraǵasy S.Balǵymbaev ken ornyndaǵy barlyq óndiristik tsıkl tsehtaryn aralap, munaıshylarmen sóılesti.

Satybaldy Dáýletalın óndiristik úderistiń barlyq ýchaskelerindegi jumyskerlerdiń eńbek jaǵdaıymen tanysty. Burǵy uńǵymasynan bastap, gazdy ázirleý pýnktiniń baǵdarlyq basqarmasy, munaıdy ázirleý jáne aıdaý ortalyq tsehynyń joldyq basqarmasy jáne óndirilgen munaıdyń sapasyn tekserý zerthanasyna bardy. Ken ornyndaǵy jumysshylar jataqhanasy, demalys ortalyǵy, ashana sekildi áleýmettik nysandar QR KF tóraǵasynyń nazarynan tys qalmady.

«Kún saıyn ken ornyndaǵy barlyq ýchaskelerde kúndizgi kezekte jáne vahtada shamamen eki júzge jýyq adam isteıdi. Vahtalyq ádispen isteıtin jumyskerlerge barlyq jaǵdaı jasalǵan. Jaıly jatahqana, demalys ortalyǵy, bes ýaqyt tamaqtandyratyn tegin ashana bar», - dedi óndiris-tehnıka bólimi bastyǵynyń orynbasary, tseh boıynsha kásipodaq komıtetiniń tóraǵalyǵyn qatar alyp júretin Sáken Sharapıden. Sonymen qatar, ol «Eńbek elshisi» QR Kásipodaqtar federatsııasynyń respýblıkalyq jastar jobasynyń jeńimpazy.

Jas kásipodaq jetekshisiniń aıtqanyn túski asqa kelgen burǵylaý qondyrǵysynyń operatorlary rastady. Olar kúndelikti jumystary týraly aıtyp berip, joldama qunynyń 10 paıyzyn tóleı otyryp Qazaqstannyń saýyqtyrý oryndarynda densaýlyǵyn qalpyna keltirip, shıpajaı-kýrort em-domyn alýǵa bolatynyn atap ótti. Al balany mektepke daıyndaýǵa beriletin materıaldyq kómek, demalys aqysynyń eki ese tólenýi jáne óte qajet jaǵdaıda materıaldyq kómek kórsetilý sekildi áleýmettik toptamaǵa mundaǵylar burynnan beri úırenip ketken.

QR Kásipodaqtar federatsııasynyń tóraǵasyna ilesip júrgen kásipodaq belsendileri kásiporyndaǵy áleýmettik-eńbek saıasaty tıismdiligin arttyrý úshin jumysberýshimen birlesip jumys isteıtindikterin aıtty.

«Jumysberýshimen naqty, syndarly dıalog óndiristik-sharýashylyq qyzmettiń birlesken jemisi úshin eki taraptyń jaýapkershiligin kúsheıtedi. Eger jumysberýshi áleýmettik baǵytqa mán berse ujym oǵan udaıy qoldaý kórsetip, jumysta jaqsy nátıje qol jetkizýge tyrysady», - dedi «Embimunaıgaz» AQ kásipodaq komıtetiniń jetekshisi Bolat Nysanbaev.

«Biz kásiporyn qyzmetiniń kórsetkishi jumyskerlerdiń kóńil-kúıine baılanysty ekenin túsinemiz, sondyqtan kásipodaq – bizdiń basty seriktesimiz», - dedi kásipodaq jetekshisiniń pikirin qoldaǵan jumysberýshi Amangeldi Súleımenov.

«Jaıyqmunaıgaz» munaı-gaz óndirý basqarmasynyń áleýmettik-eńbek qatynastaryna joǵary baǵa bere otyryp, QR Kásipodaqtar federatsııasynyń tóraǵasy Satybaldy Dáýletalın elimizdegi áleýmettik-ekonomıkalyq jaǵdaı qıyn kezde qatardaǵy jumyskerlerdi qoldaǵany úshin áleýmettik áriptesterge alǵys aıtty.

QR KF málimetinshe, Qazaqstanda jasalǵan 145 myń ujymdyq sharttyń tek 30 myńy ǵana kásipodaqtar qatysýymen ázirlengen. Ujymdyq sharttardyń kóp bóliginde resmı sıpattama basym.

«Embimunaıgaz» sekildi áleýmettik áriptesterdiń júıeli ózara qarym-qatynasynyń qundylyǵy Eńbek adamyna laıyqty qarym-qatynasynda. Qazirgi kezde eń ońtaılysy osyndaı áleýmettik áriptestik modelin qurý, ol munaı-gaz salasyndaǵy barlyq kásiporyndarǵa úlgi bolýy tıis. Kásipodaqtar federatsııasy qolǵa alǵan Áleýmettik áriptestik jylynda bul aıryqsha mańyzdy», - dep atap ótti Satybaldy Dáýletalın.