QR Kásipodaqtar federatsııasynyń tóraǵasy Á.Qusaıynov saılaý naýqanyna qatysatyny jóninde málimdedi

ASTANA. QazAqparat - QR Kásipodaqtar federatsııasynyń tóraǵasy Ábilǵazy Qusaıynov kezekten tys prezıdenttik saılaýǵa qatysýǵa ótinish bildirdi. Bul týraly búgin QR Ortalyq saılaý komıssııasy tóraǵasynyń orynbasary Vladımır Foss málim etti.

Á.Qusaıynov 1952 jyly 6 aqpanda Qaraǵandy oblysy Telman aýdanynyń Maıózek kentinde týǵan. Qaraǵandy polıtehnıkalyq ınstıtýtyn, Reseı basqarý akademııasyn bitirgen. Mamandyǵy boıynsha - ınjener-mehanık, saıasattanýshy. Eńbek jolyn Kýznetsk metallýrgııalyq kombınatynda beton quıýshy bolyp bastady. «Qaraǵandykómir» kombınatynda burǵyshy, shahta kenshisi bolyp jumys jasady. Qaraǵandy oblysynyń memlekettik basqarý organdarynda basshylyq qyzmetter atqardy.

Sonymen qatar ol QR Parlamenti Senatynyń depýtaty, Parlament Senaty tóraǵasynyń orynbasary bolyp saılanǵan. QR Kólik jáne kommýnıkatsııa mınıstrligi Avtomobıl joldary komıtetiniń tóraǵasy, Kólik jáne kommýnıkatsııa vıtse-mınıstri, Ekonomıka, ındýstrııa jáne saýda vıtse-mınıstri, QR Indýstrııa jáne saýda mınıstrligi Tehnıkalyq retteý jáne metrologııa komıtetiniń tóraǵasy, Kólik jáne kommýnıkatsııa birinshi vıtse-mınıstri bolyp jumys jasady. QR Kólik jáne kommýnıkatsııa mınıstrliginiń jaýapty hatshysy boldy. 2009 jylǵy naýryzdan 2011 jylǵy sáýirge deıin QR Kólik jáne kommýnıkatsııa mınıstrligin basqardy. Al 2011 jyldan 2013 jylǵa deıin Qaraǵandy oblysynyń ákimi boldy. Qazirgi ýaqytta - QR Kásipodaqtar federatsııasynyń tóraǵasy. «Qurmet» ordenimen, sondaı-aq medaldarmen marapattalǵan.