QR Kásipodaqtar federatsııasynyń qatarynda 2 mıllıonnan astam múshe bar - S.Muqashev
ASTANA. 16 naýryz. QazAqparat /Marlan Jıembaı/ - Qazirgi tańda elimizdiń Kásipodaqtar federatsııasynyń qatarynda 2 mıllıonnan astam múshe bar.
Bul týraly búgin atalǵan federatsııanyń tóraǵasy Sııazbek Muqashev erteń ótetin Qazaqstan eńbekshileri forýmyna qatysýǵa kelgen delegattarmen bolǵan jumys kezdesýi barysynda aıtty.
Onyń atap ótýinshe, federatsııa músheleriniń sany budan da arta túsetin bolady. Óıtkeni elimizde qolǵa alynǵan Údemeli ındýstrııalyq-ınnovatsııalyq damý baǵdarlamasynyń aıasynda 150 kásiporyn ashylsa, aǵymdaǵy jyly osy baǵdarlama aýqymynda taǵy da birqatar jumys orny qurylady. Sonymen qatar Úkimet qabyldaǵan Jumyspen qamtý baǵdarlamasy aýqymynda da jumys oryndary ashylatyn bolady.
«Adamdardyń kásipodaqtardyń qataryna óz erikterimen kirýi elimizdiń kásipodaqtarynyń bedeline tikeleı baılanysty», - dedi ol.
S.Muqashev sondaı-aq kezdesý barysynda respýblıkalyq kásipodaqtary árqashanda jumysshylardyń múddesin qorǵaıtyndyǵyn ári bul baǵyttaǵy jumystardy odan ári jandandyra túsetindigin basa aıtty.
