QR Kásipodaqtar federatsııasy «Nur Otan» praımerızine qatysýshylarmen kezdesti
«27 qyrkúıekte Qazaqstanda Eńbek kúni atap ótiledi. Bul – kásipodaq músheleriniń ekinshi kásibı merekesi bolyp sanalady. Osy mańyzdy kún qarsańynda biz «Nur Otan« partııasynyń praımerızine qatysýshylardyń barlyǵynyń basyn qosqymyz keldi. Búgingi kúni oǵan qatysýǵa 11 myńǵa jýyq adam ótinish bildirgen bolsa, olardyń 2700-den astamy – kásipodaq músheleri. Iá, búginde barlyǵy birdeı kásipodaqtyń kún tártibin alǵa tartpaıdy. Biraq biz kásipodaq músheleriniń basyn biriktirip, tartýǵa tyrystyq. Bizdiń kún tártibimiz bar, biz saılaýǵa ne úshin qatysyp, ne usyna alatynymyzdy bilemiz», - deıdi Kásipodaqtar federatsııasy tóraǵasynyń orynbasary Nurlan Óteshev.
2 qyrkúıekte Kásipodaqtar federatsııasynyń 2020 jylǵa deıingi strategııasy qabyldandy. Onda eńbek adamyna qatysty máseleler kórsetilgen.
«Biz bul strategııa boıynsha uzaq ýaqyt, jaz boıy jumys istedik. Onda eńbek adamyna – qarapaıym jumysshylarǵa qatysty negizgi máseleler aıtyldy. Mysaly, jalaqy júıesin jetildirý. Eń tómengi jalaqydan tólem formasynan esep aıyrysýǵa kóshý máseleleri. Biz muny qalaı isteıtinimizdi bilemiz – ratıfıkatsııalaý jáne Halyqaralyq eńbek uıymy konventsııasy qajet. Bizde osy quraldardyń barlyǵy bar. Eger ratıfıkatsııalanǵan bolsa, biz barlyq qyzmetkerlerdiń – muǵalim, dáriger jáne basqa da eńbek adamdarynyń jaǵdaıyn jaqsarta alar edik», - dep túsindirdi ol.
Nurlan Óteshev atap ótkendeı, Memleket basshysy óz Joldaýynda qazirgi kezde qoǵamda, ókinishke qaraı, eńbek quny túsip bara jatqanyna nazar aýdardy. Onyń oıynsha, qoǵamdaǵy eńbekke qundylyq qosý úshin kásipodaqtardyń róli erekshe bolýy kerek.
«Materıaldyq baılyqty óz qolymen jasaıtyn adam aldyńǵy qatarǵa shyǵýy kerek dep sanaımyz. Búgin biz alǵashqy saılaýlarymyzdyń saılaý naýqanynda eńbek qanshalyqty qundy ekenin talqylaýdy qalaımyz. Áleýmettik jelilerge kóp kóńil bólinedi, bizde osyǵan baılanysty birneshe ıdeıa bar. Sonymen qatar, barlyq qatysýshylar saılaý naýqanynyń erekshelikterimen bólisedi dep oılaımyn», - dep tolyqtyrdy kásipodaqtar federatsııasy tóraǵasynyń orynbasary Nurlan Óteshev.
Kásipodaqtar federatsııasynyń baspasóz qyzmetinen habarlaǵandaı, kásipodaqtardyń osy saılaý naýqanyna qatysýy Kásipodaqtar federatsııasy men «Nur Otan» partııasy arasyndaǵy memorandýmdy júzege asyrýdyń jalǵasy. Partııaishilik praımerız Qazaqstanda tuńǵysh ret ótkizilip otyrǵanyn eskersek, kásipodaq belsendileriniń mundaı saıası naýqanǵa qatysýy – bul eldiń kásipodaq qozǵalysy tarıhyndaǵy jańa kezeń.
Іs-sharaǵa el óńirlerinen 60-qa jýyq praımerız-qatysýshy, sondaı-aq QR KF ortalyq apparatynyń ókilderi qatysty.
