QR Kásipodaqtar federatsııasy «Qazaqstan-2020» jalpyulttyq demokratııalyq kúshter koalıtsııasyn qurý ıdeıasyn qoldaıdy
ASTANA. 14 qańtar. QazAqparat /Marlan Jıembaı/ - «Qazaqstan-2020» jalpyulttyq demokratııalyq kúshter koalıtsııasyn qurý ıdeıasy referendýmdy qoldaý úrdisine jańa qarqyn beredi.
Bul pikirdi búgin elordada ótken baspasóz máslıhatynda QR Kásipodaqtar federatsııasy tóraǵasynyń orynbasary Qaırat Amandyqov bildirdi.
«Nur Otan» Halyqtyq demokratııalyq partııasynyń «Qazaqstan-2020» jalpyulttyq demokratııalyq kúshter koalıtsııasyn qurý ıdeıasy der ýaqytynda qabyldanǵan shara, ári referendýmdy qoldaý úrdisine jańa qarqyn beredi. Sondyqtan bizder, kásipodaqtar «Nur Otan» partııasynyń bastamasyna qosylamyz jáne qoldaımyz», - dep atap ótken Q. Amandyqov reformalardy júzege asyra bastaǵan Ult kóshbasshysynyń jetekshiligimen elimizdiń odan ári gúldenýi qajettigin basa aıtty.
Sonymen qatar Q.Amandyqov memleketimizdiń damýynyń barlyq kezeńinde kásipodaq qozǵalysyna únemi qoldaý bildirip kele jatqan Elbasyna elimizdiń kásipodaqtary alǵys bildiretinin jetkizdi.
Bul oraıda Memleket basshysynyń kásipodaqtarǵa zor kóńil bóletinin atap ótken ol: «Sondyqtan, biz órkenıetti áleýmettik memleket qurý úshin bizdiń Prezıdentimizdiń ózgerissiz baǵytyn odan ári nyq qoldaıtyn bolamyz», - dedi.
