QR Kásipodaqtar federatsııasy: Barsha eńbek ujymy QR Prezıdentiniń alǵa qoıǵan mindetterin iske asyrýǵa jumyla kirisýde
ASTANA. QazAqparat - Qazaqstan kásipodaqtar federatsııasy jýyrda ótken ulyqtaý rásiminde QR Prezıdenti N. Nazarbaevtyń bes ınstıtýtsıonaldyq reformalary negizinde eldiń odan ári damýyn qoldaıdy. Bul týraly uıymnyń Memleket basshysyn saılaýdaǵy jeńisi úshin quttyqtaǵan hatynda aıtylady.
«Ulyqtaý rásiminde ózińiz atap ótkendeı, 5 bastamany iske asyrý ekonomıkany odan ári damytýǵa jáne qoǵamnyń áleýmettik tabystylyǵyn arttyrýǵa erekshe serpin beredi. Indýstrııalandyrý - ekonomıkanyń aspaby ǵana emes, ortasha synypty jáne óńdeýshi sektordyń úlesin damytýdyń mańyzdy faktory. Indýstrııalandyrý jobalaryn iske asyrý arqasynda shaǵyn jáne orta kásiporyndar artyp, qosymsha jumys oryndary ashylady. Shıkizatty tereń óńdeý úrdisterin, jańa tehnologııany engizý esebinen birqatar qazaqstandyq eksporttyq ónimdi keńeıtý mindeti qoıyldy», - delingen hatta.
Budan basqa, úshinshi ınstıtýtsıonaldyq reforma eldiń agrarlyq sektorynyń artýyn kózdeıdi.
«Jańa keshendi baǵdarlama negizinde transulttyq kompanııalardyń qatysýymen 10 iri óńdeýshi jobalar iske asyrylatyn bolady. Búgin kúlli memlekettik organdar, eńbek ujymdary atalǵan mindetterdi iske asyrýǵa jumyla kirisip ketti. Qazaqstan kásipodaqtar federatsııasy eldiń turaqty damýyna baǵyttalǵan Sizdiń bastamalaryńyzdy árdaıym qoldaıdy», - delingen quttyqtaý hatta.
