QR Qarjy vıtse-mınıstri L.Karmazına qyzmetinen bosady
«QR Úkimetiniń 2016 jylǵy 19-shy qańtardaǵy №18 qaýlysyna sáıkes, Karmazına Lena Maǵaýıanqyzy zeınet jasyna tolýyna baılanysty, QR Qarjy vıtse-mınıstri qyzmetinen bosatyldy», dep habarlady mınıstrliktiń baspasóz qyzmeti.
L.Karmazına 1952 jyly 21 qańtarda burynǵy Semeı oblysy Arqat aýylynda týǵan.
Qarjy mınıstrligide 1996 jyldan beri bıýdjettik saıasat jáne makroekonomıkalyq analız bóliminiń bas qarjygeri qyzmetinen bastap bıýdjettik saıasat jáne josparlaý departamenti dırektorynyń orynbasary qyzmetine deıin ártúrli qyzmet atqarǵan. 2003 jyly sol kezdegi Qazaqstan Respýblıkasy Ekonomıka jáne bıýdjetti josparlaý mınıstrligindegi osy departamenttiń dırektory laýazamyna taǵaıyndalǵan. 2007 jyldyń sońynan 2010 jyldyń basyna deıin QR Ekonomıka jáne bıýdjetti josparlaý mınıstrliginiń vıtse-mınıstri bolǵan. 2010 jyldyń naýryzynan beri QR Qarjy vıtse-mınıstri laýazymyn atqarǵan.
«Qurmet», «Parasat» ordenderiniń ıesi, QR Qarjy mınıstrliginiń «Qarjy qyzmetiniń úzdigi» atty mereıtoılyq tósbelgisimen marapattalǵan.
