QR Qarjy polıtsııasy «Teńizshevroıl» JShS-niń 212 mlrd. teńge somasyndaǵy munaıdy zańsyz óndirýi faktisi boıynsha tergeý júrgizedi

Bul týraly búgin agenttik tilshisine suhbat bergen Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Qazaqstan Respýblıkasynyń Ekonomıkalyq qylmysqa jáne sybaılas jemqorlyqqa qarsy kúres agenttigine QR Bas prokýratýrasynan 212 mıllıard teńge somasyndaǵy munaıdy zańsyz óndirý faktisi boıynsha «Teńizshevroıl» JShS-niń qyzmetin tekserý materıaldary kelip tústi. Іs belgilengen zańnamalyq tártippen tirkeldi. Tekserý qorytyndysyna sáıkes protsessýaldy sheshim qabyldanatyn bolady», dedi ol.

«Teńizshevroıl» JShS qazaqstandyq-amerıkandyq birlesken kompanııa jáne Qazaqstandaǵy iri munaı óndiretin kásiporyn sanalady.