QR Qarjy polıtsııasy organdarynyń izdeýinde júrgen «Naýryz Bank Qazaqstan» AQ-nyń burynǵy basqarma tóraǵasy búgin Máskeý qalasynan Astanaǵa jetkizildi
ASTANA. 25 naýryz. QazAqparat - Búgin Máskeý qalasynan Astanaǵa «Naýryz Bank Qazaqstan» AQ-nyń burynǵy basqarma tóraǵasy Erjanov Orazaly Sántaıuly jetkizildi,
dep habarlaıdy QR Bas prokýratýrasynyń baspasóz qyzmeti.
Esterińizge sala keteıik, Qazaqstan Respýblıkasy Qylmystyq kodeksiniń 176-baby 3-bóliginiń «b» tarmaǵy, 192, 235-babynyń 4-bóligi, 220-babynyń 1-bóligimen qarastyrylǵan qylmystardy jasaǵany úshin Qazaqstan Respýblıkasy Qarjy polıtsııasynyń izdeýinde júrgen O.Erjanov 2010 jylǵy 1 naýryzda Máskeý qalasynda ustalǵan bolatyn. O.Erjanovty ekstradıtsııalaý boıynsha Qazaqstan Respýblıkasy Bas prokýratýrasy júrgizgen jumystardyń nátıjesinde reseılikter tarapynan ony Qazaqstanǵa berý týraly sheshim qabyldandy.
Qylmystyq is boıynsha ári qaraı tergeý jumystaryn júrgizý úshin O.Erjanov Astana áýejaıynda qarjy polıtsııasy organdaryna tapsyryldy.
