QR Qarjy polıtsııasy organdarymen tirkelgen qylmystar boıynsha keltirilgen zalal mólsheri 70 mlrd.teńgeni qurady
ASTANA. 10 tamyz. QazAqparat - Búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy R.Túsipbekov vedomstvonyń alqaly jıynyn ótkizip, onyń barysynda aldaǵy kezeńge mindetterdi belgiledi, dep habarlady vedomstvonyń baspasóz qyzmeti.
2012 jyldyń 1-toqsanynda qarjy polıtsııasy organdarymen 5 125 qylmys tirkeldi, onyń ishinde 1 107-i - sybaılas jemqorlyq, 3572-si - ekonomıkalyq qylmystar.
Qarjy polıtsııasy organdarymen tirkelgen qylmystar boıynsha keltirilgen zalal mólsheri 70 mlrd.teńgeni qurady, qazirgi tańda onyń 29 mlrd. teńgesi tergeý barysynda qaıtaryldy.
Vedomstvo basshysy aıtqandaı, shaǵyn jáne orta bıznes qyzmetin tekserýlerdiń sanyn jáne qyzmetkerlerdiń kásipkerlik sýbektilerimen qatynastarynyń negizderin azaıtý boıynsha qabyldanǵan uıymdastyrýshylyq sharalardyń nátıjesinde bızneske jasalatyn qysym deńgeıi aıtarlyqtaı tómendetildi. Jasalǵan qylmystyń naqty belgileri joq jaǵdaıda bıznesti tekserýdiń derekterine qatań tyıym salynady.
R.Túsipbekov Sybaılas jemqorlyqqa qarsy turý jónindegi salalarlyq baǵdarlamaǵa engizilgen ózgertýlerge sáıkes «Qarjy polıtsııasy organdary týraly», «Ákimshilik protsedýralary týraly» zańdardyń jańa redaktsııadaǵy jobalary jasalatyndyǵyn jáne «Sybaılas jemqorlyqqa qarsy kúres týraly» zańǵa ózgerister men tolyqtyrýlardyń engiziletindigin atap ótti.
Quqyq shyǵarmashylyq qyzmet sheńberinde memlekettik organdardy memlekettik satyp alýlardyń jeńimpazy týraly maǵlumatty satyp alý júrgizilgen somany kórsete otyryp, saıttarda ornalastyrýǵa mindetteıtin ózgertýlerdi engizý usynyldy. Bul jurtshylyqqa satyp alynǵan taýarlar men qyzmetterdi olardyń naryqtyq baǵalarymen salystyrýǵa múmkindik beredi.
Oǵan qosa, memlekettik satyp alýlar salasynda ashyqtyqty qamtamasyz etý úshin tenderlerdiń jeńimpazdarymen alynǵan memleket qarajatynyń qozǵalysy týraly aqparatty jalpyǵa qoljetimdi etý usynyldy.
«Kommertsııalyq uıymdar, eger olar bıýdjet qarajatyna jumys istegileri kelse, ózderiniń qarjylyq-sharýashylyq qyzmetin tolyǵymen ashýy qajettigin túsiný kerek», - dep atap ótti R.Túsipbekov.
Sonymen birge, R.Túsipbekov azamattyq qoǵamnyń sýbektilerin keńinen qatystyra otyryp, sybaılas jemqorlyq jáne ekonomıkalyq qylmystardyń aldyn-alýǵa baǵyttalǵan profılaktıkalyq jumysty shıratýdy talap etti.
