QR Qarjy mınıstrligi Panama ofshorlarynyń tizimindegi qazaqstandyqtardyń aty-jónin zerttep jatyr
ASTANA. QazAqparat - Qazaqstan Respýblıkasynyń Qarjy mınıstrligi birqatar qazaqstandyqtardyń aty-jóni tabylǵan panama ofshorlaryn zerttep jatyr.
Bul týraly Qarjy mınıstrligi Memlekettik kirister komıtetiniń resmı ókili Jambyl Suraǵanov məlim etti.
"Biz panama ofshorlarynan habardarmyz, jumys istep jatyrmyz. Qazir saraptamalyq jumys júrgizýdemiz, məlimetter bazasy səıkestendirilip jatyr",- dedi jýrnalısterge J.Suraǵanov.
Esterińizge sala keteıik, "panama ofshory" degen atyshýly tizimde Qazaqstandaǵy sheneýnikterdiń, bıznesmender men ózge de tulǵalardyń aty-jónderi jarq etken.
ICIJ halyqaralyq jýrnalıstik zertteý konsortsıýmy 9 mamyr kúni Panamadaǵy Mossack Fonseca zań fırmasynyń əlemdegi 200 myń klıenti týraly aqparatty jarııa etti. Sonyń ishinde Qazaqstannyń 8 zańdy tulǵasy, 265 jeke tulǵasy, 7 deldal men 243 mekenjaı bar.
