QR Qarjy mınıstrligi Kedendik baqylaý komıteti tóraǵasynyń orynbasary qyzmetine Dına Mamasheva taǵaıyndaldy

ASTANA. 28 aqpan. QazAqparat - Búgin Qazaqstan Respýblıkasy Qarjy mınıstrligi Kedendik baqylaý komıtetiniń tóraǵasy Májıt Esenbaev óziniń jańa orynbasary Dına Mamashevany tanystyrdy.

Bul týraly vedomstvonyń baspasóz qyzmetinen habarlaıdy.

Ol Astana qalasy boıynsha kedendik baqylaý departamenti bastyǵynyń orynbasary qyzmetinen aýystyryldy.

Buǵan deıin KBK tóraǵasynyń orynbasary qyzmetin atqaryp kelgen Seıitqalı Múlkın astanalyq departamenttiń tóraǵasy bolyp taǵaıyndaldy.

«Kadrlyq taǵaıyndaýlar jumystyq sıpatta jáne kedendik organdardyń aldyna qoıylǵan mindetterdiń tıimdi sheshilýine baǵyttalǵan», - delingen baspasóz qyzmetiniń habarlamasynda.