QR Qarjy mınıstrligi 2015 jylǵy І toqsanda bıýdjet qarajatyn ıgerýde 125 mlrd. teńgeden astam somaǵa buzýshylyqtardy anyqtady
«Basqarý tıimdiligin arttyrý jáne bıýdjet qarajatyn paıdalanýdyń ashyqtyǵyn qamtamasyz etý maqsatynda aǵymdaǵy jylǵy birinshi toqsany úshin jumys qorytyndylary boıynsha atalǵan kezeń úshin bıýdjetten bólingen 700 mlrd. teńgeden astam qarajat tekserildi. 125 mlrd. teńgeden astam somaǵa buzýshylyqtar anyqtaldy. Tekserýler qorytyndylary boıynsha 308 mln. teńgeden astamy «naqty aqshalaı» memlekettik bıýdjet kirisine ótelýi qamtamasyz etildi. 19 mlrd. teńge somasyna 124 materıal quqyq qorǵaý organdaryna berildi. 426 laýazymdyq tulǵa ákimshilik jaýapkershilikke tartyldy», dep habarlaıdy QR Qarjy mınıstrliginiń baspasóz qyzmetinen.
QR Qarjy mınıstrligi Qarjylyq baqylaý komıtetiniń tóraǵasy Ánýar Jumadildaevtyń aıtýynsha, memlekettiń qarjylyq resýrstarynyń tıimdi basqarylýyn, memleket qarajatyn paıdalanýdyń ashyqtyǵyn jáne qarjylyq tártipti jaqsartýdy qamtamasyz etý Komıtettiń mindetteri bolyp tabylady.
Ótken jyly memlekettik qazyna kirisine ótelýge jatatyn 8,0 mlrd. teńge tirkeldi, sonyń ishinde 3,0 mlrd. teńge Komıtettiń kúshimen ótelý qamtamasyz etildi. 2014 jyl úshin 2,5 trln. teńgeden astamyn Qarjylyq baqylaý komıteti baqylaýmen qamtydy, sonyń ishinde 823,0 mlrd. teńgege jýyǵy bıýdjet zańnamasynyń jáne memlekettik satyp alý týraly zańnamasynyń buzýshylyqtarymen paıdalanyldy.
Ózara is-qımyl sheńberinde 101,0 mlrd. teńgeden astam somadaǵy 632 materıal quqyq qorǵaý organdaryna berildi. 485,0 mln. teńgege 2 260 laýazymdyq tulǵa ákimshilik jaýapkershilikke tartyldy. 309 memlekettik satyp alý rásimderiniń qorytyndylary joıyldy, munymen áleýetti ónim berýshilerdiń buzylǵan quqyqtary qorǵaldy jáne barlyq memlekettik satyp alýǵa qatysýshylary úshin teń jaǵdaılar qamtamasyz etildi.