QR Qarýly Kúshteriniń úzdik óńirlik qolbasshylyǵy ataldy (FOTO)
Sonymen, Qurlyq áskerlerinde osy jyly «Shyǵys» óńirlik qolbasshylyǵy, al brıgadalar arasynda 38-desanttyq-shabýyldaý brıgadasy úzdik atandy.
Qurlyq áskerleri bas qolbasshysy basqarmasynyń qurylymdyq bólimsheleri arasynda ofıtserlik kadrlardy irikteý jáne jetildirý boıynsha saýatty júrgizip jatqan jumysy úshin birneshe márte erekshe kózge túsken kadrlar basqarmasy úzdik dep tanyldy.
«QR Qorǵanys mınıstriniń bizge belgilegen byltyrǵy jylǵy qyzmetimizdiń joǵary nátıjeleri jaýyngerlik daıarlyqty jetildirý, áskerı tártipti nyǵaıtý, qyzmettiń qaýipsiz jaǵdaıyn qamtamasyz etý jáne qarý-jaraq pen áskerı tehnıkany uqyptap ustaý syndy áskerlerde ótkizilip jatqan kýrstyń durystyǵyn rastady», - dep atap ótti jyl qorytyndysynda QR QK QÁ bas qolbasshysy general-leıtenant Murat Maıkeev.
Qorytyndy 2010 jyldan bastap Qurlyq áskerlerinde qoldanylyp júrgen reıtıngtik baǵalaý júıesine sáıkes shyǵaryldy. Jeńimpazdar aýyspaly vympeldar jáne baǵaly syılyqtarmen marapattaldy.
Jaýyngerdik daıarlyqtaǵy negizgi kúsh-jiger áskerlerdi praktıkalyq oqytýǵa baǵyttalǵanyn aıta keteıik. 2015 jyly Qurlyq áskerleri quramalary men bólimderiniń bólimsheleri 689 dalalyq shyǵýlar men 72 lagerlik jıynǵa qatysty, tankter men JÁJM-niń qarý-jaraǵynan 21 myńnan asa, onyń ishinde 6 myńnan astamy túngi ýaqytta praktıkalyq oq atýlar ótkizildi.
Qurlyq áskerleri - Qarýly Kúshteriniń anaǵurlym mańyzdy jáne kóp sandy túri. Olardyń qýaty Otanymyzdyń egemendigi men aýmaqtyq tutastyǵyn qamtamasyz etýdiń negizi bolyp tabylady. Bul ásker túriniń áskerı qyzmetshileri osy jylǵy barlyq mańyzdy jáne iri aýqymdy «Aıbalta», «Ózara is-qımyl», «Myzǵymas baýyrlastyq», «Dala qyrany» oqý-jattyǵýlaryna jáne kóptegen basqa da oqý-jattyǵýlarǵa qatysty.
