QR Qarýly Kúshteriniń sportshysy oq atý boıynsha Qazaqstannyń jańa rekordyn ornatty (FOTO)
Onyń avtory - QR Qorǵanys mınıstrligi Armııa ortalyq sport klýbynyń armııalyq sportshysy ıÝrıı ıÝrkov.
10 metr qashyqtyqta atqysh 624,4 upaı jınap, Ázerbaıjanda ótken 2015 jylǵy álem kýbogynda ornatqan aldyńǵy 622,9 upaıynan asyp tústi, dep habarlaıdy Qr QM baspasóz qyzmeti.
Bul rekord - armııalyq sportshynyń taǵy bir jetistigi. Ol - álem kýbogynyń jeńimpazy, QR birneshe dúrkin chempıony, halyqaralyq dárejedegi sport sheberi, 2016 jyly ótetin Olımpıadalyq oıyndarǵa arnalǵan lıtsenzııa ıegeri. Sondaı-aq osy jyldyń qorytyndysy boıynsha QR sporttyq oq atý federatsııasynyń reıtınginde birinshi oryndy enshiledi.
Búginde elimizdiń Qarýly Kúshterinde sportqa erekshe kóńil bólinip otyrǵanyn aıta ketken jón. Áskerı qyzmetshilerdi ári qaraı damytý jáne sportqa baýlý úshin osy jyly alǵash ret Almatydaǵy Radıoelektronıka jáne baılanys Áskerı ınstıtýtynyń sporttyq bazasynda QR Qarýly Kúshteriniń dene daıarlyǵy jáne sport mamandarymen oqý-ádistemelik jıyn uıymdastyryldy. Munda QR QM AOSK jáne dene shynyqtyrý áskerı ınstıtýtynyń ofıtserleri dene daıarlyǵyn basshylyqqa alý, josparlaý, uıymdastyrý, baqylaý jáne esepke alý jóninde birlesken dárister men semınarlar ótkizdi. Dene daıarlyǵy boıynsha sabaqtardy ótkizýdiń pedagogıkalyq negizderin, áskerı qyzmetshilerdiń dene turǵysyndaǵy qasıetterin damytý ádistemelerin, medıtsınalyq qamtamasyz etýdi qarastyrdy.
