QR Qarýly kúshteriniń serjanty er-azamatqa laıyq batyl áreket jasady

ASTANA. QazAqparat - Belgisiz zatty detonatsııalaý saldarynan jaraqat alǵan serjant M. Ahmetovtiń arqasynda 9 áskerı qyzmetker qutqaryldy, dep habarlaıdy QazAqparat tilshisi QR Qorǵanys mınıstrligine silteme jasap.

«Serjant M. Ahmetov belgisiz zatty detonatsııalaý saldarynan alǵan jaraqattaryna qaramastan, sheberligi men jyldam áreket etýiniń arqasynda KamAZ-dy ózdiginen basqaryp, lagerlik jıynnyń qolbasshylyǵyna oqıǵa týraly dereý habar jetkizdi. Dárigerler toǵyz  áskerı qyzmetkerge ashyq alańda alǵashqy medıtsınalyq kómek kórsetti», delingen habarlamada.

Belgisiz zat 14 tamyzda «Qazaqstan» oqý-jattyǵý polıgonyndaǵy nysana alanyn ázirleý kezinde detonatsııalandy. Qazirgi ýaqytta áskerı qyzmetkerlerdiń jaǵdaıy birqalypty, olarǵa bilikti mamandar medıtsınalyq kómek kórsetýde. Atalmysh derek boıynsha tergeý amaldary júrgizilip jatyr.