QR Qarýly Kúshteriniń komandırleri biliktilikterin arttyryp jatyr
Qorǵanys mınıstrliginiń málimetinshe, on kún boıy shyǵys áskerı bólimderiniń kombattary tehnıkalyq jáne tyldyq qamtamasyz etý máselelerin oqyp, taktıkalyq, arnaıy jáne barlaýlyq daıarlyqtan ótedi. Jıynda basty oryndy taktıkalyq oqý-jattyǵýlar, jaýyngerlik atys, joryqqa shyǵý kezinde tártipti uıymdastyrý jáne saqtaý boıynsha jattyǵýlar alady.
Bıyl osyndaı jıyndar shyǵysta alǵash ret ótkizilmek jáne onyń ereksheligi tek osymen bitpeıdi. Buryn komandırlerdiń daıarlyǵy qyzmet oryndarynda ótkiziletin: ár apta saıyn ofıtserler komandırlerdi daıarlaý sabaqtaryn óz áskerı bólimderiniń negizinde ótkizetin. Bıyl Qurlyq áskerleriniń Bas qolbasshysy jaýyngerlik daıarlyq josparyn ózgertý týraly sheshim qabyldady. Tuńǵysh ret komandırlik daıarlyq sheńberinde osyndaı jıyndar on kún ishinde ótedi.
Qazir batalon komandırleri qolbasshylyq esebinen tájirıbeli ofıtserler jetekshiligimen óz kásibı jáne komandırlik daıarlyq deńgeıin kóteredi. Jıyndy «Shyǵys» óńirlik qolbasshylyǵy áskerleri qolbasshysynyń jaýyngerlik daıarlyǵy boıynsha orynbasary polkovnık ıÝrıı Asqarov basqardy. Kombattar men olardyń orynbasarlary on kúndik jıynynyń aıaqtalysymen barlyq ótken sabaqtardan synaq tapsyrady. Qolbasshylyq urysty uıymdastyrý jáne júrgizý boıynsha olardyń bilim deńgeıine baǵa beredi. Іs-sharanyń birinshi kúni Qurlyq áskerleri bas qolbasshysy general-leıtenant Murat Maıkeev jáne «Shyǵys» óńirlik basshylyǵy áskerleriniń qolbasshysy general-maıor Vasılıı Rysbaev jıynǵa qatysýshylarmen kezdesti. Áskerı qolbasshylar ofıtserlerdi sapaly jáne tıimdi oqýǵa baǵyttady.
Batalon komandırleri men olardyń jaýyngerlik daıarlyq jónindegi orynbasarlary osy pánderdi áskerı oqý oryndarynda oqyp, is-tájirıbede de birneshe ret qoldanǵanymen, áskerı is úzdiksiz daıarlyqty qajet etedi. Bıyl jaýyngerlik daıarlyq «Qarýly Kúshterdiń qurylǵanyna 20-jyl tolýyna - Qazaqstannyń Respýblıkasynyń qaýipsizdigin qamtamasyz etý jolyndaǵy bizdiń eren eńbegimiz!» atty uranmen ótýde. Bıylǵy batalon komandırleriniń jıyny «Shyǵys» óńirlik qolbasshylyǵynda osy uranmen jáne Qazaqstan armııasynyń qurylǵanyna 20 jyl tolý qurmetine ótýde.