QR Qarýly Kúshteriniń «Áskerı barlaý úzdikteri» Novosibirge keldi

MÁSKEÝ. QazAqparat - QR Qarýly Kúshteriniń áskerı barlaý úzdik ókilderi "ArHO-2018" Armııa halyqaralyq oıyndaryna qatysý úshin Novosibir qalasyna keldi, dep habarlaıdy Reseıdegi Qazaqstan elshiliginiń baspasóz qyzmeti.

QR Qarýly Kúshteri komandasynyń negizgi quramyn «Ońtústik» óńirlik qolbasshylyǵy áskerı bólimderiniń áskerı qyzmetshileri qurady.

"Baıqaý bes kezeńnen turady - ol desanttaý men marsh júgirý, mehanık-júrgizýshilerdiń baıqaýy, "Barlaýshynyń soqpaq joly" kedergiler kesheni, tapsyrmany oryndaǵannan keıin jınalý aýdanyna barlaý tobynyń shyǵýy jáne oq atý. Bizdiń komanda bul jarystarǵa aıanbaı jáne muqııat daıyndaldy, biz júldeli orynmen ózimizdiń tabandylyǵymyzdy pash etýge saqadaı saımyz", - dep habarlady komanda jetekshisi polkovnık Arystan Muqataev.

Áskerı barlaý úzdikteri baıqaýy aǵymdaǵy jylǵy shildeniń 29-y men tamyzdyń 11-i aralyǵynda ótetin bolady.