QR Qarýly kúshterinde jazǵy oqytý kezeńine kóshti (FOTO)

ASTANA. QazAqparat - 1 shildede Qazaqstan Respýblıkasynyń Qarýly kúshterinde jaýyngerlik oqýdyń eń qarqyndy ári jaýapty kezeńi - jazǵy oqytý kezeńi bastalady.

QR Qorǵanys mınıstrliginiń baspasóz qyzmetiniń habarlaýynsha, áskerı bólimderde áskerı qyzmetshilerdiń kásibı daıarlyǵy boıynsha sabaqtar ótedi. Búginnen bastap Qarýly kúshter boıynsha áskerı qyzmetshilerdiń qaýipsizdik sharalaryn zerdeleýi bastaldy.  Ol sabaqtar túrinde ótedi, sondaı-aq qaýipsizdik talaptary boıynsha olardyń teorııalyq jáne praktıkalyq bilimderi tekseriledi. 

Áskerı bólimderde áskerı qyzmetshilerdi qaýipsizdik talaptary boıynsha oqytyp-úıretý atqaryp otyrǵan áskerı laýazymdary, biliktilik talaptary, atqarylatyn mindetterdiń, jaǵdaılardyń ereksheligi eskerile otyryp, qurylady.

Bul rette oqytý baǵdarlamalary, oqý josparlary men jaýyngerlik daıarlyq josparlaryna sáıkes qarý-jaraq pen áskerı tehnıkany paıdalaný erekshelikterine nazar aýdarylady. Jaýyngerlik daıarlyq boıynsha sabaqtarda árbir pándi zerdeleý kezinde áskerı qyzmetshilerge qaýipsizdik talaptary jetkizilip, sabaq barysynda olardyń meńgerýi men oryndaýy qamtamasyz etiledi.