QR Qarýly kúshterinde jazǵy oqytý kezeńi bastaldy (FOTO)

Áskerı bólimderde áskerı qyzmetshilerdiń kásibı daıarlyǵy boıynsha sabaqtar bastaldy. Sonymen, «Astana» óńirlik qolbasshylyǵyna qarasty 31775 áskerı bóliminde jarylǵysh zattardy qoldaný, alǵashqy medıtsınalyq kómek, garnızondyq jáne qaraýyldyq kezekshilik ýaqytynda kúzet beketinde qarýdy paıdalaný ádisteri, jaýyngerlik jáne dene daıarlyǵy boıynsha qaýipsizdik sharalary, quramynda ýly hımııalyq zattar bar quraldardy qoldaný tásilderin zerdeleý, sondaı-aq brondy tehnıkany jáne t.b. qoldaný kezinde órt, tehnıka qaýipsizdigi jóninde sabaqtar bastaldy.
Al Qapshaǵaı qalasyndaǵy 58012 áskerı bóliminde jazǵy oqytý kezeńinde ınjenerlik áskerler mamandarynyń dara daıyndyǵy júzege asyrylady. Sabaqtar jaýyngerlik daıarlyq josparyna sáıkes júrgiziledi, jeke quramdy oqytý kezinde erekshe nazar ınjenerlik oq-dárilerdi, tehnıka men múlikti paıdalaný tásilderiniń áreket etý qaǵıdatyn zerdeleýge, olardy paıdalaný qaǵıdalaryna baǵyttalǵan. Tapsyrmalar shtattyq arnalymǵa baılanysty ınjenerlik qarý-jaraq quraldaryn qoldana otyryp, kúrdeli jaǵdaılarda ártúrli amaldarmen oryndalady.
Mamandardyń dara daıyndyǵy aıaqtalysymen olardyń arnalýyna sáıkes rotalardyń úılesýi ótkiziletin bolady.