QR Qarýly Kúshterinde jańa oqý jyly bastaldy

ASTANA. QazAqparat - QR Qarýly Kúshterinde jańa oqý jylynyń bastalýyna oraı Qorǵanys mınıstriniń birinshi orynbasary - QR QK Bas shtabynyń bastyǵy general-polkovnık Sáken Jasuzaqov «Shyǵys» óńirlik qolbasshylyǵynyń Óskemen, Semeı garnızondarynda boldy, dep habarlady QR QM baspasóz qyzmetinen.

General-polkovnık S. Jasuzaqov jaýyngerlik ázirlik boıynsha sabaqtar ótkizýdi uıymdastyrýdy, qarý-jaraq pen áskerı tehnıkanyń jaı-kúıin, áskerı bólimderdiń oqý-materıaldyq bazasy men ınfraqurylymyn tekserdi. Ol, sondaı-aq, áskerı qyzmetshilerdiń qyzmet jáne turmys jaǵdaılarymen tanysty.

«Ońtústik» óńirlik qolbasshylyǵynyń Lýgovoı jáne Taraz garnızondarynda bolǵan QR QK Bas shtab bastyǵy bólimderdi jaýyngerlik ázirliktiń joǵary deńgeıine keltirý barysyn tekserdi. S. Jasuzaqov, sondaı-aq, komandırlerdi jaýyngerlik ázirlikti arttyrý, jeke quramnyń moraldy-psıhologııalyq jaǵdaıyn nyǵaıtý jáne áleýmettik-turmystyq salany jaqsartýǵa basa nazar aýdarýǵa shaqyrdy.