QR Qarýly Kúshterinde XIII Spartakıada bastaldy (FOTO)
Saıys qysqy kezeńniń baǵdarlamasy boıynsha ótkiziledi. Oǵan gir ekisaıysy, armsport, qysqy Prezıdenttik kópsaıys, shańǵy sporty (patrýlderdiń jarysy) jáne shahmat sııaqty sporttyń túrleri kiredi.
Alǵashqy bolyp Aeroutqyr áskerleriniń chempıonaty bastaldy. 12740 áskerı bóliminiń bazasynda 200-den asa armııalyq sportshy Qarýly Kúshterdiń chempıonatynda óner kórsetý úshin qurama komandaǵa kirýge baq synasty.
Barlyǵy Spartakıadanyń aldyn ala kezeńderinde 2 300-den asa áskerı qyzmetshi qatysady. QR QK XIII Spartakıada qysqy kezeńiniń sheshýshi sáti Aqmola oblysynyń Şýche qalasynda ótedi. Sheshýshi kezeńge 500-den asa áskerı qyzmetshi qatysady dep kózdelip otyr.
Al biliktilik talaptardyń normatıvterin oryndaǵan úzdik sportshylarǵa QR sport sheberi sporttyq ataǵy beriledi.
Sheshýshi saıystyń nátıjeleri boıynsha úzdik armııa sportshylary TMD dostastyq armııasynyń chempıonattary men ózge de halyqaralyq áskerı-sporttyq jarystarda Qarýly Kúshterdiń namysyn qorǵaıtyn bolady, dep habarlaıdy QR QM baspasóz qyzmeti. 
