QR Qarýly Kúshterinde ótken «Ata Zańǵa adalmyz» patrıottyq aktsııasy máresine jetti (FOTO)

ASTANA. QazAqparat - QR Konsıtıtýtsııasynyń 20 jyldyǵyna arnalǵan «Ata zańǵa adalmyz» atty patrıottyq aktsııasy Qazaqstan Respýblıkasy Qarýly Kúshteri Qurlyq áskerleri qolbasshylyǵynyń barlyq óńirinde ótti.

Atalǵan is-shara boıynsha aktsııanyń sońǵy núktesi Óskemen garnızony boldy. Metallýrgter alańynda QR QK Qurlyq áskerleriniń bas qolbasshysy general-maıor Murat Maıkeevtiń atynan áskerı qyzmetshilerge alǵys hattary tabys etildi.

«Úzdik otbasy» atalymynyń marapaty 27943 áskerı bólimi shtabtyq batalon komandıriniń tárbıe jáne ıdeologııalyq jumystar boıynsha orynbasary kapıtan Ashat Jıenbaevqa tabys etildi. «Úzdik vzvod komandıri» - leıtanant Serikjan Bımýrzın, «Úzdik batalon serjanty» bolyp 3-synypty serjant Nurlan Qorabaev atansa, «Úzdik medbıke» - kishi serjant Anna Golovanovaǵa, «Úzdik oqytýshy» - zapastaǵy podpolkovnık Vladımır Zýevke buıyrdy. Sonymen qatar 2015 jyly Los-Andjeleste ótken Arnaıy olımpıadalyq oıyndardyń jeńimpazy Dıas Muratuly marapattaldy.

«Ata zańǵa adalmyz» aktsııasynyń maqsaty - Qarýly Kúshterdiń áskerı qyzmetshileriniń, jaýyngerlerdiń joǵarǵy patrıottyq sezimin, Otanǵa degen súıispenshiligin, Konstıtýtsııanyń arqasynda memleketimizdiń qol jetkizgen jetistikterin kórsetý. Halqymyzdyń jáne Qarýly Kúshterdiń qanshalyqty qýatty bolǵanyn kórsetý», - dedi QR QK Qurlyq áskerleri bas qolbasshysynyń tárbıe jáne áleýmettik-quqyqtyq jumystar jónindegi orynbasary polkovnık Jumabek Hasenov.

Budan ózge, qamtamasyz etý rotasynyń komandıri aǵa leıtenant Amanjol Dúısenovke kezekti «kapıtan» áskerı ataǵy berildi.

«Ata zańǵa adalmyz» aktsııasynyń aýyspaly jalaýshasy Astanadaǵy QR QK QÁ Bas qolbasshysynyń murajaıyna tabys etildi.

Esterińizge sala ketsek, «Ata zańǵa adalmyz» sharasy bıyl birinshi ret ótkizilip otyr. Aktsııany Qaraǵandy, Aqtaý, Shymkent jáne Óskemen qalalary qarsy aldy.