QR Qarýly Kúshterinde QR Konstıtýtsııa kúniniń 20 jyldyǵyna arnalǵan merekelik is-sharalar ótti
ASTANA. QazAqparat - Konstıtýtsııa Kúni - Qazaqstan Respýblıkasynyń Ata Zańynyń 20 jyldyǵyna oraı elimizdiń túrli óńirlerindegi Qazaqstan Qarýly Kúshterine qarasty Áskerı-teńiz kúshteriniń, Áýe qorǵanysy kúshteriniń jáne Qurlyq áskerleriniń áskerı bólimderi men quralymdarynda merekelik kontsertter, patrıottyq jıyndar, áskerı-sporttyq jarystar jáne otbasylyq is-sharalar ótti, dep habarlady QR Qorǵanys mınıstrliginiń baspasóz qyzmetinen.
Atap aıtsaq, «Ońtústik» óńirlik qolbasshylyǵyna qarasty Taraz garnızonynyń Ofıtserler úıinde áskerı qyzmetshiler Múmkindigi shekteýli adamdardy emdeý jáne ońaltý ortalyǵynda merekelik kontsert uıymdastyrdy. Áýenderi júrekke jol tapqan tanymal qazaq sazgerleriniń patrıottyq ánderin ofıtserler shyrqady.
«30 tamyz - bul aıtýly kún, tutas memleketimizdiń jáne qazaqstandyq halyqtyń erekshe tarıhı kúni. Sondyqtan bul merekede barlyq qazaqstandyqtardyń, jastar men qarttardyń, sizdiń qamqorlyǵyńyz ben nazaryńyz asa qajet adamdarmen birigý óte mańyzdy», - dedi Taraz garnızony Ofıtserler úıiniń bastyǵy aǵa leıtenant Aıman Smetova.
