QR Qarýly Kúshterinde Konstıtýtsııa kúnine arnalǵan is-sharalar ótti - QR Qorǵanys mınıstrligi
Aeroutqyr áskerleriniń, Qurlyq áskerleriniń jáne Áýe qorǵanysy kúshteriniń basshylyǵy áskerı bólimderde bolyp, jeke quramdy memlekettik mereke - Konstıtýtsııa kúnimen quttyqtady. Ata Zań Táýelsizdigimizdiń ajyramas bóligi jáne eldegi qoǵamdyq-saıası júıeniń negizi bolyp tabylady. Konstıtýtsııa - qoǵamymyzdaǵy turaqtylyqtyń kepili.
Memlekettiń basty qujatynyń áleýeti eldiń odan ári tıimdi damýynyń jáne qoǵamdyq-saıası protseste konstıtýtsııalyq quqyqty jetildirýdiń negizi bolyp otyr.
Elbasy - Qarýly Kúshterdiń Joǵarǵy Bas qolbasshysy Qazaqstan Konstıtýtsııasy halyq úshin jasalǵan, ony halyqtyń ózi qabyldaǵan jáne halyq úshin qyzmet etip keledi dep san márte aıtyp júr.
Konstıtýtsııa eldiń Táýelsizdigin nyǵaıtty. Bizdiń mindetimiz Ata Zańymyzdy Otanymyz ben týǵan tarıhymyzdy qurmettegendeı, kózdiń qarashyǵyndaı saqtaı bilý kerek. Memlekettik ınstıtýttardyń, árbir Qazaqstan azamatynyń mindeti osy qundylyqtardy aıalaı bilý bolsa kerek.
Memlekettiń Táýelsizdigi qýatty áskerimen baıandy. Búgin komandırler árbir áskerı qyzmetshige Otandy qorǵaýdaǵy janqııarlyq eńbek - halyq bostandyǵynyń, el egemendiginiń, turaqtylyqtyń senimdi kepili ekenin jetkizdi. Basshylyq quram sardarlar men sarbazdarǵa áskerı tártipti kúsheıtip, jaýyngerlik oqýdy arttyrýda Otan qorǵaýshysy degen joǵary ataqqa adal bolýdy tilektestigin bildirdi.