QR Qarýly Kúshterinde áskerı qyzmetshilerdi medıtsınalyq tekserý jalǵasýda
Bul týraly QR Qorǵanys mınıstrliginiń baspasóz qyzmetinen habarlady.
Jyl saıyn ótkiziletin rásimniń basty maqsaty - áskerı qyzmetshilerdiń densaýlyǵyn saqtaý. Onyń tereńdetilgen medıtsınalyq tekserý dep atalýy áskerı qyzmetshilerdiń densaýlyq jaǵdaıy keń túrde tekserilip, taldaý jasalyp, flıýrografııa jáne basqa da dáriger mamandardyń qaraýynan ótedi. Jasy úlken toptaǵylar úshin elektrokardıogrammadan ótý mindetti bolyp sanalady.
«Áskerı qyzmetshilerdi medıtsınalyq tekserýden ótkizý aýrýdy boldyrmaýǵa jáne onyń aldyn alýǵa baǵyttalady, - dedi Qazaqstan Qarýly Kúshteri Bas áskerı medıtsına basqarmasynyń basshysy, medıtsına qyzmetiniń polkovnıgi Ázıjan Orazalın. - Sonymen birge biz buryn anyqtalǵan aýrýdyń dınamıkasyn baqylap otyramyz».
Tekserýdiń nátıjesi boıynsha qajet bolǵan jaǵdaıda áskerı qyzmetshilerdi sanatorııalyq-kýrorttyq emnen ótý úshin sanatorııalarǵa jiberedi. Qorǵanys mınıstrligi áskerı qyzmetshiler tegin sanatorııalyq-kýrorttyq em alý úshin birneshe otandyq sanatorııalarmen shart jasasqan.
Bıylǵy tereńdetilgen medıtsınalyq tekserý tamyz aıynda bastaldy. Alda ony júrgizýdiń áli úsh kezeńi bar. Aldaǵy jeltoqsan aıynda áskerı dárigerler medıtsınalyq tekserýdiń qorytyndysyn shyǵaryp, áskerı qyzmetshiler densaýlyǵynyń mynadaı úsh toptan turatyn jalpy kartınasyn jasaıdy: «tolyq deni saý», «ish júzinde deni saý», «aýrý-syrqaýy bar».
Qazirdiń ózinde áskerı dárigerler tekserýdiń alǵashqy kezeńi boıynsha aralyq qorytyndy shyǵara alady. Tutastaı alǵanda áskerı qyzmetshilerdiń densaýlyǵy jaqsy. Muqııat medıtsınalyq tekserý, qyzmetke túsý úshin neǵurlym myqty, denderi saý úmitkerlerdi irikteý, qyzmet protsesinde turaqty medıtsınalyq baqylaý jáne qajet bolǵan jaǵdaıda profılaktıkalyq em jasaý qajet etedi.