QR Qarýly Kúshterinde áskerı qyzmetshi áıelder arasynda konkýrs ótedi (FOTO)

ASTANA. QazAqparat - Bıyl QR Qarýly Kúshterinde tuńǵysh ret «Batyr arýlar» atty QR QK áskerı qyzmetshi qyz-kelinshekter arasynda respýblıkalyq konkýrs ótedi.

Bul týraly QR Qorǵanys mınıstrliginiń baspasóz qyzmetinen habarlady.

Pogon taqqan áıelder - qazirgi zamanda sondaı sırek kezdesetin jaıt emes. Alaıda, olardyń arasynda áskerı qyzmetti adal abyroımen atqaryp, boıynda sulýlyqty, ásemdikti, náziktikti batyldyq pen tózimdilik syndy qasıettermen úılestirip júrgenderi sanaýly desek bolady. Konkýrsqa QR Qarýly Kúshteri salasynda qyzmet atqaryp júrgen jáne de otstavkadaǵy áskerı qyzmetshiler - Qazaqstannyń barlyq turǵyndary qatysa alady. Qatysýshynyń jasy men eńbek ótili mańyzdy emes. Saýalnama toltyrý barysynda qoıylatyn basty talap - durys jazylǵan aty-jóni, tegi, jumys orny, sapaly sýreti, mamandyǵy men áskerı qyzmette bolǵan bir qyzyqty oqıǵa bolýy kerek. Konkýrs jeńimpazy QR Qorǵanys mınıstrliginiń resmı saıtynda daýys berý arqyly anyqtalatyn bolady. Konkýrs qorytyndysy boıynsha QR Qarýly Kúshterinde qyzmet etetin 12 qyz-kelinshek anyqtalyp, «Batyr arýlar» atty arnaıy kúntizbege sýretteri shyǵarylatyn bolady.