QR Qarýly Kúshterinde áskerı esepte turǵan azamattar jıynǵa shaqyryldy

ASTANA. QazAqparat - Jeksenbi kúni Qapshaǵaı qalasynyń 10228 áskerı bóliminde áskerı esepte turǵan Qazaqstan Respýblıkasynyń áskerı mindetti azamattarymen jıyn bastaldy, dep habarlady QR Qorǵanys mınıstrliginiń baspasóz qyzmetinen.

Jıyn qyrkúıektiń 5-i men 19-y aralyǵynda ótedi. Oǵan 160 adam qatysady. Bul jıynda áskerı mindettiler Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń jaýyngerlik jáne jumyldyrý ázirligin arttyrý úshin áskerı bólimderge shaqyryla otyryp, áskerı bilimderin jetildiretin bolady. Áskerı jıynnyń negizgi maqsaty qysqartylǵan sanda beıbit ýaqytta turǵan áskerı bólimderdiń jaýyngerlik jáne jumyldyrý ázirligin arttyrý, jasaqtaý aýdandarynda olardy soǵys ýaqytynda jumyldyrý jáne jasaqtaý kezinde Qazaqstan Respýblıkasynyń Qarýly Kúshterin, basqa da áskerleri men áskerı quralymdaryn óristetý úshin qajet qorda áskerı-oqytylǵan resýrstardy daıyndaý jáne jınaqtaý. Áskerı mindettiler jıynǵa josparlanatyn jylǵa qordaǵy kontıngenttiń shaqyrylý kólemin aıqyndaıtyn Qazaqstan Respýblıkasy Úkimetiniń qaýlysy negizinde shaqyrylady. Ári qaraı qyrkúıektiń 9-i men 23-i aralyǵynda áskerı mindettilerdiń jıyny Qaraǵandyda, Semeıde, Otar kentinde jáne Qaraǵandy garnızonynyń áskerı polıtsııa jasaǵynda (Qaraǵandy q.) ótetinin aıta keteıik.