QR Qarýly kúshterinde alǵash ret avtomobılderdi tehnıkalyq súıemeldeý jóninde ilki joba iske qosyldy
Qazaqstan Respýblıkasy Qorǵanys mınıstrliginiń jaraqtandyrýynda turǵan avtomobılder men KamAZ-dyń bazalyq shassılerin keshendi tehnıkalyq súıemeldeý avtomobılderdiń jumys qabilettiliginiń jaı-kúıi men resýrsyn ustap turýǵa jáne qalpyna keltirýge, aqaýlyqtardy joıýǵa baǵyttaldy. Bul jobany 2015 jylǵy shildeden bastap Aqmola oblysynyń Ereımentaý qalasynda ornalasqan «Qazaqstan ınjınırıng 811-shi avtojóndeý zaýyty» AQ iske asyryp keledi. Jobanyń aıaqtalý merzimi - aǵymdaǵy jyldyń jeltoqsany. Qorǵanys mınıstrligi men QR Qarýly Kúshteriniń jaraqtandyrýynda turǵan KamAZ avtokólikteri adamdardy, tehnıkany, otyndy jáne t.b. tasymaldaý boıynsha mindetterdi oryndaıdy. Zaýyt qyzmet kórsetý jáne jóndeý boıynsha jumys keshenin júrgizedi, KamAZ avtokólikterin ýaqtyly qalpyna keltirý jáne paıdalanýǵa udaıy ázrlikte ustap turýdy qamtamasyz etedi. Kásiporyn Qazaqstan Respýblıkasy Qarýly Kúshteriniń KamAZ markaly avtokólikteriniń barlyq parkine tehnıkalyq súıemeldeý jasaýdy oryndaýǵa ázir.
Búgingi tańda «Qazaqstan ınjınırıng 811-shi avtojóndeý zaýyty» «KamAZ» bas kompaıııasynyń qyzmet kórsetý ortalyǵymen attestattaýdan ótken Qazaqstan Qarýly Kúshteriniń muqtajdyǵy úshin áskerı jáne eki maqsattaǵy ónim shyǵaratyn «Qazaqstan ınjınırıng» UK» AQ-tyń birden-bir enshiles uıymy bolyp tabylady. Qazirgi ýaqytta zaýyttyń bilikti personaly, qajetti kúsh-qýaty jáne jylyna 1 800 avtokólikke qyzmet kórsetýge arnalǵan qural-jabdyǵy bar.