QR Qarýly kúshteri ofıtserleriniń 97,7 paıyzy laýazymdaryna saı ekendigin dáleldedi
«Attestattaýdan ótkenderdiń 97,4 paıyzy ózderiniń atqaryp otyrǵan laýazymdaryna saı keletindigin dáleldedi. Onyń ishinde QR QK ofıtserleriniń 30,3 paıyzy attestattaý qorytyndysyna sáıkes joǵary áskerı laýazymdarǵa ilgeriletilse, 21,8 paıyzyn oqý jiberý usynyldy. Bul rette shamamen ofıtserlerdiń 1,9 paıyzy tómen laýazymdarǵa aýystyrylady, al taǵy 0,7 paıyz zapasqa bosatylady», - delingen habarlamada.
QR QM Kadrlar departamenti aqparatyna qaraǵanda, aǵymdaǵy attestattaý 2012 jyly ótkizilgen attestattaýmen salystyrǵanda birqatar ereksheligi bar. Birinshiden, 2015 jyly attestattaý kishi kezeńderge bólindi. Ekinshiden, sanattar boıynsha qaraýdyń naqty merzimderi belgilendi.
Qazaqstandyq armııada ofıtserler korpýsynyń attestattalýy ár úsh jyl saıyn ótkiziledi. Sharanyń maqsaty - kadrlyq saıasattyń osal tustaryn aıqyndaý, ár ofıtserdiń kásibı, iskerlik jáne jeke qasıetterin, áleýetin, onyń atqaryp otyrǵan áskerı laýazymǵa saı kelýin anyqtaý. Kúrdeli kásibı tapsyrmalarǵa ázir daryndy ofıtserler úshin attestattaý mansaptyq saty boıynsha ilgerileý múmkindigi de. Qaıta emtıhan tapsyrý kishi ofıtserler quramynan joǵary quramǵa deıin armııanyń barlyq ofıtserler korpýsyn qamtıdy. Áskerı oqý oryndarynyń tyńdaýshylary, attestattaý ótkizilgen jyly oqýdy támamdaǵan túlekter, attestattaý jylynda qyzmetke ornalasqan, áskerı qyzmette bolýda shekti jasqa jetken jáne jaramsyz nemese shekteýli jaramdy bolyp tanylǵan ofıtserler, sondaı-aq attestattaý jylynda «leıtenant» alǵashqy ofıtserlik áskerı ataǵy berilgen ofıtserler, júktilik, bala kútý demalysy nemese attestattaý kezinde osy demalystan keıin qyzmetke kirisken, qylmystyq is qozǵalǵan ofıtserler attestattaýdan ótpeıdi.
