QR Qarýly kúshteri qazaqstandyq ǵalymdardyń jańalyqtaryn paıdalanatyn bolady
Ulttyq qorǵanys ýnıversıtetiniń Ǵylymı-zertteý ınstıtýtynda Áskerı ǵylym akademııasy aıasynda áskerı-tehnıkalyq birlestik jumys jasaýda. «Atalǵan birlestik ǵylymı jáne ǵylymı-tehnıkalyq qyzmettiń sýbektilerin, sondaı-aq Qazaqstan Qarýly Kúshteriniń múddesin tanystyrý úshin zertteý jumystarymen aınalysyp júrgen jeke tulǵalardy biriktiredi», - dedi UQÝ ǴZI ǵylymı-tájirıbe bóliminiń bastyǵy podpolkovnık Temirjan Qarbaev.
Osylaısha, qazaqstandyq armııanyń ıgi isterimen aınalysyp júrgen otandyq ǵalymdar, óner tapqyshtar, erekshe ǵylymı jumystardyń avtorlary óz jobalaryn júzege asyrýǵa jáne ony Qarýly kúshter ıgiligi úshin endirýge múmkindigi bar. Bul úshin zertteýshi óz jobasyn alyp UQÝ Ǵylymı-zertteý ınstıtýtyna barýy qajet. Sodan keıin bul zertteý jumystary, onyń naqty qajettiligi týraly tıisti áskerlerge, armııaǵa suranys jiberiledi. Eger ǵylymı jumys Qarýly kúshterge shynaıy paıdaly dep tanylsa, avtor jobany synaqtan ótkizý úshin onyń tehnıkalyq sıpattamasy men tájirıbelik úlgisin usynady. Synaqtardyń nátıjesi boıynsha ónim kópshilikke tanystyrylyp, jumysty odan ári óndiriske engizý múmkindigi qarastyrylady.
UQÝ Ǵylymı-zertteý ınstıtýty - zertteýshiler men Qarýly kúshterdiń arasyn baılanystyrýshy uıym. Osyndaı yntymaqtastyq elimizdegi ǵalymdardyń zertteý jumystaryna jáne jalpy áskerı ǵylymnyń damýyna oń yqpal etedi. Sonymen qatar osy bastama qazaqstandyq talantty óner tapqyshtarǵa kórsetiletin erekshe qoldaý bolyp tabylady.
