QR Kanadadaǵy Elshisi Kosta-Rıka Prezıdentiniń ınaýgýratsııa saltanatyna qatysty
ASTANA. QazAqparat - Ótken aptada QR Kanadadaǵy Elshisi Konstantın Jıgalov Qazaqstan Respýblıkasynyń ókiletti ókili retinde San-Hose qalasynda ótken Kosta-Rıkanyń jańadan saılanǵan Prezıdenti Lýıs Gılermo Solıstiń ınaýgýratsııa saltanatyna qatysty.
Bul týraly QR SІM basapasóz qyzmetinen habarlady. K.Jıgalov Kosta-Rıkanyń Memleket basshysyna Qazaqstan Prezıdenti N.Á.Nazarbaevtyń atynan quttyqtaýyn bildirip, QR men Kosta-Rıka arasyndaǵy qatynastardyń sátti damýyna úmittenetiniń aıtty. Sapar sheńberinde Elshi K.Jıgalov Kosta-Rıkanyń Syrtqy ister mınıstri Manýel Gonsales Sanspen kezdesý ótkizdi. Áńgime barysynda taraptar eki jaqty yntymaqtastyqtyń perspektıvti baǵyttaryn belgilep, sondaı-aq halyqaralyq deńgeıde, ásirese ıadrolyq qaýipsizdik pen taratpaýdy qamtamasyz etý salasynda ózara árekettesýdiń maqsatqa saı ekenin atap ótti. Atalmysh salada eki el atqaratyn jumys halyqaralyq qaýymdastyq tarabynan joǵary baǵalanady. Qosta-Rıka taraby QR Prezıdenti N.Á.Nazarbaev bastamashylyq etken «ATOM» Jobasyna, sondaı-aq Astanada Álemdik jáne dástúrli din kóshbasshylarynyń sezi sııaqty órkenıetter dıalogyn kúsheıtýge baǵyttalǵan sharalarǵa úlken qyzyǵýshylyq tanytty.
