QR qadaǵalaý organdary komandalary arasynda shaǵyn-fýtbol men voleıboldan ótken jarystyń qorytyndylary
ASTANA. 26 qyrkúıek. QazAqparat - Astana qalasynda Qazaqstan Respýblıkasynyń Tuńǵysh Prezıdenti kúni jáne prokýratýra organdarynyń qurylǵan kúni qurmetine arnalǵan
elimizdiń prokýratýra organdarynyń komandalary arasynda shaǵyn-fýtbol men voleıboldan ótken vedomstvolyq chempıonat aıaqtaldy.
Bul týraly Bas prokýratýranyń baspasóz qyzmetinen habarlady.
Jarysqa respýblıkamyzdyń prokýratýra organdarynyń, vedomstvolary men mekemeleriniń qurama komandalary qatysty, onyń ishinde voleıboldan áıelderdiń quramasy da ózderin kórsetti.
Shaǵyn-fýtboldan chempıonattyń jeńimpazy jáne Bas prokýrordyń Kýbogynyń ıegeri bolyp Bas prokýrordyń qurama komandasy alǵa shyqty, ekinshi oryndy Bas áskerı prokýratýranyń komandasy jeńip aldy. Úshinshi júldeli oryn Shyǵys Qazaqstan oblysy prokýratýrasynyń komandasyna buıyrdy.
Jarysty uıymdastyrýshylar «úzdik shabýylshy» nomınatsııasy boıynsha Kenshibaev Qýanyshty (Almaty oblysy prokýratýrasynyń komandasy) jeńimpaz dep tapty. «Úzdik qorǵaýshy» bolyp Shıtenov Arman tanylsa (Bas áskerı prokýratýranyń komandasy), al «Úzdik qaqpashy» nomınatsııasy Taýjanov Erboldyń (Bas Prokýrordyń komandasy) enshisine tıdi.
Erler arasynda voleıboldan ótken oıynnyń qorytyndysy boıynsha týrnırdiń jeńimpazy jáne Bas Prokýror Kýbogynyń ıegeri bolyp Almaty oblysy prokýratýrasynyń komandasy tanyldy. Ekinshi oryndy Quqyqtyq statıstıka jáne arnaıy esepke alý komıtetiniń komandasy ıelendi. Úshinshi júldeli oryn Shyǵys Qazaqstan oblysy prokýratýrasynyń komandasyna buıyrdy.
Áıelder arasynda voleıboldan ótken oıynnyń qorytyndysy boıynsha týrnırdiń jeńimpazy jáne Bas prokýror Kýbogynyń ıegeri bolyp Ońtústik-Shyǵys aımaǵynyń prokýratýra organdarynyń qurama komandasy atandy. Ekinshi oryn - Bas prokýratýranyń komandasyna, úshinshi oryn Soltústik-Batys aımaǵynyń prokýratýra organdarynyń qurama komandasyna berildi.
Jarysqa belsendi qatysqany úshin gramotalarmen tórtinshi oryn alǵan Ortalyq aımaǵynyń áıelder komandasynyń oıynshylary marapattaldy.
Birinshi oryndardy alǵan komandalarǵa kýboktar, gramotalar men estelik medaldar tabys etildi. Úzdik nomınatsııalardyń ıelerine gramotalar men baǵaly syılyqtar berildi.
